Zaldibarko zabortegian desagertutakoen bilaketak aurrera jarraituko du Aste Santuan
Zaldibarko zabortegian zabaldutako operatiboak etenik gabe jarraitzen du otsailaren 6ko luiziaren ondoren desagertuta jarraitzen duten bi langileen bilaketa-lanetan, baita inguru horretan Aste Santuko egun hauetan egiten ari diren obra zibilak ere.
Eusko Jaurlaritzak zabortegia irristatu ostean abian jarritako operatiboaren azken txostena argitaratu du, eta Ingurumen Sailak aditu talde bati eskatu dio txosten hori egiteko, Elena Moreno sailburuordeak asteartean iragarri zuenez.
Ostiraleko egunari dagokionez, desagertutako bi langileak bilatzeko lanak B1.2 gunean egin dituzte, atzerako hondeamakina batekin eta hiru ardatzeko bi kamioirekin. Bilaketarako B2 gunean, bi atzerako hondeamakinen laguntzarekin lan egin da. Horietako batek bilaketa arrastelua du, eta bigarrenak hiru ardatzeko lau kamioi kargatu ditu.
B1.1 eremuan ere bilaketa lanak egin dituzte bi hondeamakinarekin, horietako bat bilaketa arrasteluarekin eta bigarrena musker bat eta hiru ardatzeko bi kamioi kargatuz.
Miaketa eta erauzketa lan guztietan, baheketa ikuskatzen ari dira Ertzaintzaren Brigada Mugikorreko eta txakurren unitateko langileak, Segurtasun Saileko Larrialdi eta Meteorologia Zuzendaritzako esku hartzeko teknikariekin koordinatuta.
Egun horietako bilaketa-lan espezifikoez gain, honako lan hauek ere egin dira: hondakinen 1. gelaxka egokitu, zabortegiko goiko aldeetako materialak kendu eta lekualdatu, 1. gelaxkako lixibiatuen kolektorean egokitze eta iturgintza lanak egin, bideak egokitu eta mantentzeko lanak egin, errailak sendotu eta sarbideak garbitu.
Exekutiboak zehaztu duenez, "bilaketa lanek eta obra zibilek etenik gabe jarraituko dute Aste Santuko eta asteburuko jai egunetan".
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.