"Momentuz" ez dira bisitak baimenduko Gipuzkoako adinekoen egoitzetan

Eider Mendoza Gipuzkoako Diputazioko bozeramaileak esan duenez, "momentuz ez ditugu bisitak baimenduko".

orain-default-image

Agentziak | Erredakzioa

2020/05/05 - 19:09

Azken eguneratzea

2020/05/05 - 19:40

Eider Mendoza Gipuzkoako Foru Aldundiko bozeramaileak adierazi duenez, "momentuz" ez dira bisitak baimenduko Gipuzkoako adinekoen egoitzetan, eta, gaineratu du, "egoeraren larritasuna nolakoa den jakinda, egoitzetan dauden pertsonen osasuna bermatzea da garrantzitsuena, eta horretan jarraituko dugu"

Agerraldi telematikoan hitz egin du Mendozak. Gipuzkoak 65 adinekoen egoitza dituela gogoratu du Mendozak, eta horietatik 16 kolpatu dituela COVID-19 koronabirusak. Astelehenera arteko datuei erreparatuta, 14 egoitza daude positibo kasuekin.

Aldundiak koronabirusa adinekoen egoitzetara ez sartzeko "esfortzu itzela" egin duela esan du Diputazioko bozeramaileak, eta "hori ez gertatzeko esfortzu handiena egiten ari gara", gehitu du.

"Oraindik ahal den neurrian etxean geratu behar garen fase baten gaudenez, momentuz ez ditugu bisitak baimenduko. Egoera zaila da egoitzetan dagoen jendearentzat, eta haien familientzat. Hori argi daukagu, baina adineko pertsonen osasuna bermatu nahi izan dugu gauza guztien gainetik, eta horretan tematuta jarraituko dugu", esan du Eider Mendozak.

ELArekin bilera

"Laguntzeko prest" azaldu den ELA sindikatuak Markel Olano Gipuzkoako ahaldun nagusiarekin batzartzeko egindako eskaerari buruz galdetuta, Mendozak hauxe erantzun du: "Orain laguntzeko prest badaude, ongi etorriak izango dira",baina ez du zehaztu bi aldeka bilduko diren.

"Diputazioa hainbat eragilerekin elkarlanean ibili da hasieratik. Beraz, gure posizioa ez da ezertan aldatzen, eta lagundu nahi duten guztiekin lan egiteko prest gaude, adierazi du bozeramaileak.

Eider Mendozaren ustez, "gu ez gara izan bide ezberdin bat hartu dugunak, beraz, haiek dira justifikatu behar dutenak. Egoera gogorrei guztion arteko elkarlanarekin egiten zaie aurre, eta hasieratik horrekin bat egin ez duenak eta iritziz aldatu duenak argitu beharko du zergatia".

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta garraio publikoa erabiltzen baduzu horien erabilera derrigorrezkoa da.

Zure interesekoa izan daiteke

Laredoko alkateak ukatu egin du herrian euskal udatiarren aurkako jazarpenik dagoenik

Laredon uda igarotzen duten hainbat familiak salatu dutenez, euskal herritarrak izate hutsagatik egin diete eraso. Hala ere, alkateak ukatu egin du "euskal herritarren kontrako jazarpenik dagoenik", eta kasu bakanak direla ziurtatu du.

Horrela bizi izan zuten lurrikara Kolonbian dauden hainbat euskal herritarrek

Kolonbian dauden euskaldun batzuekin hitz egiteko aukera izan dugu. EHUko medikuntzako ikasle batzuekin eta lagun talde gipuzkoar batekin izan gara. Oraindik gorputzetik beldurra kendu ezinik daude, baina eskertuta onik daudelako.

Smiling young latin woman watching an eclipse of the sun with eclipse glasses

Osakidetzak arreta oftalmologikoa indartuko du Larrialdietan, eklipsearen ondorioei aurre egiteko

Euskal Osasun Sistemak etengabe jarraituko du asistentzia-jarduera eklipsearen egunean eta ondorengoetan, baliabideak egokituz eta espezialistak aktibatuz.

Villalibado, NASAk eklipsea ikusteko aukeratutako herria

NASAko eta San Frantziskoko Exploratoriumeko 30 bat ikertzailek Villalibado hartu dute, Burgosko probintziako herri erdi abandonatu bat, eguzki-eklipsea jarraitzeko. Fenomeno astronomikoa aztertuko dute eta, gainera, zuzenean emango dute, 10 milioi pertsonak baino gehiagok ikusteko aukera izan dezaten.

Kezka nagusi Euskadin bizi diren kolonbiarren artean: "Komunikazioak kolapsatuta daude"

Johana Garcia Osorio Euskal Herrian bizi diren 19.000 kolonbiarretako bat da. Lurrikara gertatu zenetik, ez dute izeba baten berririk.

Jaurlaritzak LABI alerta-fasean ezarriko du, eguzki-eklipsea eta tenperatura altuengatik

Dispositibo berezia asteazken honetako 15:00etan abiatuko du. Eklipsea gertuko leku batetik behatzea, joan-etorriak saihestea eta betaurreko homologatuak bakarrik erabiltzea gomendatu du Jaurlaritzak.

Asteazkenean hegazkinez bidaiatuko duzu? Hona hemen eklipsea airetik ikusiko duten hegaldiak

19:30etik 20:45era bitartean, dozenaka hegaldik zeharkatuko dute penintsula. Hona hemen eklipsearen den unean airean egongo diren hegaldien zerrenda.

Euskal Herria ilunpetan jarriko duen eklipse historikoaz segurtasunez gozatzeko gida

Asteazken honetan, abuztuak 12, eguzki-eklipse osoa izango da, 1905etik izan ez dugun fenomenoa. Hemen hainbat jakingarri azalduko ditugu: non ikusi, ordutegiak eta begiak nola zaindu, besteak beste.

Euskal Herrian eguzki eklipse osoa Fiteron ikusiko da luzaroen

Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.

Ander Lopez Lerena (Bogota): 'Gosaltzen ari ginela hasi da lurra mugitzen, baina hemen ez da hainbesterako izan'

Lurrikara izan den unean, Kolonbian zen EITBko gure lankide Ander Lopez de Lerena. Hiriburuan, Bogotan nabaritu du astindua. Medellinen ere nabaritu da astindua eta baita Venezuelan, Ekuadorren eta Panaman ere.