Tapia: "Ez gaude ospakizunetarako fase batean"
Konfinamendutik irteteko 1 fasean sartu dira astelehen honetan Araba, Bizkaia, Gipuzkoa eta Nafarroa. Alabaina, Eusko Jaurlaritzak, Nafarroako Gobernuak ez bezala, fase honi ez dagozkion hainbat murrizketa ezarri ditu eta horrek nahasmena eragin du gizartean.
Polemika gehien etxeetan senideak biltzea debekatzeko erabakiak sortu du; izan ere, etxebizitza batean hamar pertsona batzea galarazita dago, baina posible da hamar lagun terraza batean esertzea.
ETB2ko 'QMEC' saioan, Arantxa Tapia Ekonomiaren Garapena eta Azpiegitura sailburuak ohartarazi du egungoa ez dela "ospakizunetarako fasea" eta azpimarratu du "birusa berriro zabaltzea ekiditeko" ezarri dituztela murrizketak.
"Ulertzen dugu jendearen haserrea, baina zuhurrak izan behar gara eta urratsak astiro eman behar ditugu. Aste batzuk barru berriro atzera egin behar izatea saihestu nahi dugu. Orain zaintzea tokatzen zaigu", adierazi du.
Horrela justifikatu du Tapiak familiartekoak etxe berean biltzea debekatu izana. Halaber, adineko senideak edo laguntza behar dutenak bisitatzera joatea baimenduta dagoela baieztatu du, pertsona horiek beste udalerri batean bizi badira ere.
Bisitetan prebentzio neurriak hartzea derrigorrezkoa dela eta etxe barruan ere pertsonen arteko segurtasun distantzia mantendu behar dela gogoratu du.
Ordutegien harira ere hainbat kritika jaso ditu Eusko Jaurlaritzak; izan ere, taberna bateko terraza batean egoteko ez du denbora mugarik ezarri, baina, aitzitik, paseatzeko, kirola egiteko edo umeekin kalera irteteko ordutegi zehatzak bete behar dira.
"Hori horrela da, ez dago ordutegirik terraza batera joateko, baina herritarrei arduraz jokatzeko eskatzeko diegu. Terrazetan ere arauak bete behar dira eta pertsonen arteko distantziak mantendu behar dira, kutsatzeak saihesteko", azaldu du.
Lehenengo fasea maiatzaren 24an amaitu aurretik, Eusko Jaurlaritzaren dekretuan aldaketa gehiago egon daitezkeen galdetuta, sailburuak esan du datuak egunero aztertzen dituztela, eta, beraz, "neurri berriak har litezke, onerako edo txarrerako, pandemiaren eboluzioaren arabera".
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.