Kolonbian harrapatutako 15 euskal herritarretako 4 gaur itzuliko dira Euskadira
Koronabirusak eragindako pandemiaren ondorioz Kolonbian harrapatuta geratu ziren 15 euskal herritarretako 4 gaur, ostirala, itzuliko dira Euskadira; izan ere, gaur egun egoera berean Madrilen dauden kolonbiarrak jasotzeko asmoz herrialde horretatik egingo duten hegaldi baterako txartelak erosi ahal izan dituzten 250 bidaiarien artean daude.
Kaltetuetako batek, Elena Martinez bilbotarrak, azaldu duenez, "Espainian harrapatuta dauden kolonbiarrak jasoko dituen hegaldi bat baliatuko dugu gaur bertan etxera itzultzeko". Espainiak herrialde horretan duen enbaxadak lortu du Kolonbiako homologoak "onartzea bertako agintariek antolatu dituzten beste bi hegalditan bueltan etorri ahal izatea".
"Madrildik Bogotara doan lehen hegazkinak larunbatean egingo du hegaldia, Kolonbiako Avianca airelinearen bitartez. Oso astunak izan ondoren lortu dugu Madrilerantz egingo duen bidaia aprobetxatzea, hegazkin horretan 250 bidaiari sartzen baitira eta hasiera batean joateko hegaldia bidaiaririk gabe egin nahi zutelako", azaldu du.
Martinezek ildo horretan esan duenez, "pertsona batzuek txartela erosi ahal izan dute", eta, antza denez, kontsulatuak etxera itzuli nahi duen herritar bati baieztatu dionez, ostiralean Bogotatik abiatuko den hegazkina "beteta" dago jada. Espainiara itzuli nahi duten pertsonek bidaia hori egin ahal izateko zein irizpide izan duten ez dakitela ere esan du.
Hala, Kolonbian harrapatuta dauden 700 laguneko taldearen baitan "egoera dramatikoak" daudela gogorarazi du. "Ni baino egoera okerragoan dagoen jendea dago eta ez diete deitu, eta plaza bat uzten saiatzen bazara, ezin duzu", azaldu du, eta plazarik gabe geratu den euskal herritar baten kasua aipatu du, "proba mediko batzuen zain egon arren".
Gainerako kaltetuek Kolonbian jarraituko dute, "beste hegaldi baten zain". Horren harira, Elena Martinezek azaldu du hegaldi pribatu bat kudeatzen saiatzen ari direla, euren kabuz alde egiteko. "Epe laburrera begira irtenbiderik eman gabe jarraitzen dutenez, egun batzuetan kudeatzen ari gara dena, eta badirudi ideia aurrera atera daitekeela", azaldu du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.