30 graduak gaindituko dira hurrengo egunetan
Asteazkenera arte tenperatura altuak eta iraunkorrak izango dira Kantauri isurialdean; urteko sasoia kontuan hartuta, termometroak batez bestekotik gora jarriko dira, beroaldia osatuz.
Tenperatura 30 gradutik gorakoa izango da Kantauriko zonaldean, eta barnealdean zein hegoaldean 35era hurbilduko dira.
San Juan gaua beroa izango da lurraldearen zatirik handienean, eta kostaldean, 20 graduko tenperaturak izango dira gau osoan zehar.
Astearte honetan, San Juan eguneko bezperan, abisu horia ezarri dute Nafarroako Ebroko erriberan tenperatura maximoengatik, 14:00etatik 19:59ra.
Tuteran, zehazki, ekainaren 19tik, aurreko asteko ostiraletik, 30 gradutik gorako tenperaturak mantendu dira eta ekainaren 26ra arte iraungo dute.
Euskal Autonomia Erkidegoan ere beroa nabarmena izango da. Maximoak 30-35 °C-koak izango dira, kostaldean izan ezik, izan ere, kostaldean hego-ekialdeko haize leunak brisak 30 ° C-tik gorakoak izatea eragotziko du. Oro har, zerua oskarbi egongo da, goizean behe-lainoa egongo da eta barnealdeko mendialdeetan hodeiak izango dira arratsaldean.
Bilbon termometroek 30 gradu markatuko dituzte, eta Iruñean, 34. Tenperaturek apurka-apurka gora egingo dute Gasteizen ere, 30 gradura iritsiz, eta Donostian 28ra.
Asteazkenean ere giro beroa izango dugu, baina baliteke tenperaturak kostaldetik gertu apur bat baxuagoak izatea, haizearen eraginez. Egunaren bigarren partean ere hodei gehiago egongo dira; eta hodei horiek ekaitzak ekar ditzazkete, barnealdeko eskualdeetan bereziki. Hego-ekialdeko haizeak nagusituko dira, baina arratsaldetik aurrera brisa Kantauriko eskualdeetara iritsiko da, lasaitasun pixka bat ekarriz.
Tenperatura maximoei dagokienez, asteazkenean Bilbon 30 ºC-koak izango dira eta Donostian 27 ºC-koak. Gasteizen, termometroak 33 ºC-tan kokatuko dira eta Iruñean, aldiz, 36 ºC-tan.
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.