Giza kate, dantza eta manifestazioek sexu askatasuna aldarrikatu dute Euskal Herrian
Ekainak 28, duela 51 urte esan zuten "kitto" New Yorkeko Stonewall pubean elkartzen ziren gay, lesbiana eta trabestiek. Poliziak ohikoak zituen sarekaden aurka hasi zen protesta hori LGTBIQ+ komunitatearen Harrotasun Eguna da egun mundu osoan.
Ortzadar banderak erakundeen atarietan, hainbat kaleetan eta ekitaldiak han eta hemen Euskal Herrian. Gehitu taldeak manifestua egin du publiko, Euskal Autonomia Erkidegoan "lege zehatz bat" eskatzeko LGTBIQ+ "mugimenduaren eskubideak bermatzeko eta diskriminazio ororekin amaitzeko". Nafarroan antzeko lege bat badela gogorarazi dute.
"Maite ditugunengatik, LGTBI eta gehiagoren lege bat orain!" leloa aukertau du Gehitu taldeak. Beharrezkotzat jotzen dute, "Nafarroan bezalaxe Euskal Autonomia Erkidegoan ere berdintasun sozialerako lege bat" izatea. Hauteskundeak bertan direla aprobetxatuz, lege hori indarrean sartzeko eskatu diete agintariei.
Aldarrikapenentzako eguna bakarrik ez, gaurkoa orain arte lortutako aurrerapausoak ospatzeko eguna ere badela aitortu dute. Herritar guztiei gaurko ekitaldietan parte hartzeko dei egiten diete eta ostadar bandera oraindik jarri ez dutenei, zintzilikatzeko eskatu diete.
Bilbon HARRO mugimenduak deituta giza katea egin dute ostadar kolorea irudikatuz. Pandemiak "askatasun falta zer den" erakutsi digula eta, "orain guztiok baloratzen dugu askatasuna" lelopean egin dute giza katea.
Ehun pertsona baino gehiagok zumba eta beste musika batzuk ordubetez dantzatu dituzte Bilboko Kale Nagusian sexu askatasuna aldarrikatzeko, LGTBIQ+ harrotasun egunean.
LGTBI+ banderari forma eman diote kamisetekin, giza mosaikoa osatuz, Aldundiko eraikin aurrean.
Ondoren jai giroan, zutabeetan dantza egin dute, segurtasun distantzia gordez.
Manifestariak Bilboko Moyua plazan. Argazkia: EFE
Arratsaldean, ehunka pertsonak manifestazioa egin dute Bilbon LGTBI kolektiboaren eskubideen alde, jai giroan eta aldarrikapenen eta ostadar banderen artean.
Bizkaiko Koordinadora 28J taldeak deituta, Areatzarantz abiatu dira 19:00ak aldera Moyua plazan hitzordua egin ondoren, gehienak maskarak jantzita, baina askotan segurtasun distantziarik gorde gabe.
"Saretuz borrokak dirau. Perseguides, clandestines, unides", lelopean manifestazioa egin dute.
Besteak beste, Miren Gorrotxategi eta Maddalen Iriarte Elkarrekin Podemos-IUko eta EH Bilduko lehendakarigaiek, hurrenez hurren, eta Loli Garcia Euskadiko CCOOren idazkari nagusiak mobilizazioan parte hartu dute.
Joseba Gabilondo Bizkaiko Koordinadora 28J taldeko ordezkariak azaldu duenez, "sexu disidenteak" beste urte batez elkartu dira, egindako "borroka guztia" eta "aurretik dutena" gogorarazteko, "LGTBfobiari aurre" egiteko.
Gabilondoren hitzetan, "borroka" zain dute, "zolienetik hasita, komunikabideek gu isilaraztea" edo "kanpainako egun hauetan alderdi politikoek gu erabiltzea, ortzadar bandera guztiek aterako dutelako", baina baita "bortxaketa zuzenena" ere.
Aste honetan eta gauean, Bilboko udaletxearen fatxada ostadar banderaren koloreekin jantzi dute.
Era berean, Gasteizen, erakunde nagusietako egoitzak jantzi dituzte Harrotasun Egunean. Eusko Legebiltzarrak bere fatxada argiztatuko du gauean.
Foru Aldundiak ere fatxada nagusia argiztatu du ortzadarraren koloreekin asteburu osoan zehar. Probintzia plazan, ostadar bandera hagan izan dute. Gasteizko Udalak udaletxea eta Arkupea argiztatu ditu.
Zure interesekoa izan daiteke
Guggenheimek Urdaibairako daukan proiektuaren etorkizuna, argitzear
Gaur egingo du erabakia hartzeko bilera Guggenheim museoaren patronatuak. EITBk duela aste batzuk jakin ahal izan zuenez, gehiengoak proiektua alboratzearen alde egingo du.
Kamioilari bat hil da AP-8an Irunen izandako istripu batean
Bi kamioik elkar jo dute Baionaranzko norantzan. Ondorioz, autobidea itxi behar izan dute eta auto-ilarak sortu dira.
Gehiago eta hobeto bizitzen ikasteko proiektu batean parte hartzen ari dira 65 urtetik gorako 600 bizkaitar
Biobizkaia Institutuaren azterketak mendekotasuna prebenitzea eta osasuna zaintzea du helburu, baina ez da azterketa medikoetan bakarrik geratzen. Parte hartzaileek nutrizioari, mikrobiotari eta ohiturei buruzko hitzaldiez ere gozatzen dute, beren ongizatearen hobetzen laguntzeko.
Euskadi eta Katalunia Unescoren eta Turismoaren Nazioarteko Erakundearen kide izatea sustatuko du Espainiako Gobernuak
Horrekin batera, "estatutu zabalago bat" eskatu du Espainiako Gobernuak, "lurralde horiek kulturaren eta turismoaren arloan dituzten eskumenak garatu ahal izateko". Juntsekin adostutako akordioen barruan kokatu du iragarpen hori Pedro Sanchez presidenteak.
Padura artifizialak sortu eta etorkizuneko eraikinetako kotak igoko ditu Jaurlaritzak, itsas mailaren igoerari aurre egiteko
Egoerarik okerrenean, itsasoaren maila 0,72 metro igo liteke 2100. urterako. Horrek guztiak zuzenean eragingo die EAEko biztanleriaren % 32ri (700.000 pertsonari baino gehiagori) kostaldean eta bokaletik hurbil dauden ibai haranetako biztanleei. Hori dela eta, Eusko Jaurlaritza onartu du, behin-behinean, Itsasertza Babestu eta Antolatzeko Lurralde Plan Sektorialari.
Duela 80 milioi urte baino gehiago Barrikan (Bizkaia) izandako glaziazio batek ezbaian jarri ditu eredu klimatikoak
Kretazeoan izotzik gabeko Lur planeta baten aukera errefusatuko luke aurkikuntza horrek, eta komunitate zientifikoan errotuta dagoen ideia hautsi, hau da, garai hartako klima izugarri beroa izan zela, planetaren historiako tenperatura altuenetakoak izateraino.
Gizon bat atxilotu dute Santurtzin, faltsututako Athleticen 2.070 kamiseta izateagatik
Atzemandako materialak 132.000 euroko balioa izango luke merkatuan, Bizkaiko Guardia Zibilak egindako kalkuluen arabera. Atxilotuari jabego industrialaren aurkako delituak egitea leporatzen diote.
Gizon bat atxilotu dute Araban, adingabeen argazkiak AArekin manipulatu eta haur pornografia sortzea egotzita
Poliziaren arabera, atxilotutakoak adingabeen argazkiak hartzen zituen kalean eta igerileku publikoetan, eta adimen artifizialarekin manipulatzen zituen biluzik ager zitezen.
'Aita Mari'k 53 pertsona lehorreratu ditu Italian, hiru egunez nabigatu ostean
Aita Marik pasa den ostiralean Mediterraneoan erreskatatutako 56 lagunetik 53 lehorreratu ditu Italiako Brindisi portuan. Izan ere, bi hilabeteko haur bat eta haren gurasoak Italiako kostazainek artatu zituzten, haurrak muturreko desnutrizioa eta deshidratazioa zituelako.
Ehunka lagun elkartu dira Zestoan, "elkartasun feministagatik" auzipetutako sei pertsonen aldeko elkarretaratzean
Herriko sei bizilagun epaituko dituzte datorren astean, integritate moralaren aurkako delitua egotzita. Akusatuetako emakumeetako baten bikotekide ohia da salaketa jarri duena, kalte egin diotela bere izen onari argudiatuz, duela urte batzuk indarkeria matxista leporatu ziotelako.