Montanok berretsi egin du ez zuela Ellacuriaren eta gainerako jesuiten hilketa agindu
Gaur amaitu da 1989an El Salvadorren Ignacio Ellacuria eta beste lau jesuitaren hilketak argitzeko Espainiako Auzitegi Nazionalean egin duten epaiketa.
Azken saioan, Inocencio Montano koronel ohiak eta sasoi hartan Segurtasun Publikoko ministrorde zenak errugabea dela esan du eta hilketa berak edo Armadaren buruzagitzak agindu izana ukatu du.
La Tandona izeneko talde militarrak gertakari haiekin zerikusirik izan ez zuela eta pertsona haiek hiltzea "akats oso larria" izan zela adierazi du bere azken hitzean.
Halaber, epaiketan deklaratu duten perituei eta lekukoei gezurrak esatea eta interpretazio okerrak egitea leporatu die.
Egiaren Batzordearen arabera, La Tandona taldea "gaizkileek, bahitzaileek, lapurrek, bortxatzaileek eta hiltzaileek" osatzen zuten. Fiskaltzak atzoko saioan gaineratu zuen La Tandona "El Salvadorreko militar ustelenek" eratu zutela eta gerra zibilak iraun zuen bitartean herrialdea beraiek zuzendu zutela.
Montanok, baina, baieztapen horiek ukatu ditu eta La Tandona "giza eskubideen aldeko taldea" dela esan du.
Horrez gain, Ellacuria laguntzat zeukala eta bakearen aldekoa zela azpimarratu du. "Gu ez geunden bakearen kontra; hainbeste tiroz nekatuta geunden", erantsi du.
Amaitzeko, berretsi egin du jesuitak hiltzea erabakitzeko bilera bakar batean ere ez zuela parte hartu.
Defentsak bere ondorioak aurkeztu ditu azken saioan eta absoluzioa eskatu du Montanorentzat. Akusazio partikularrak, berriz, bat egin du Fiskaltzak esandakoarekin, eta, frogatutzat eman du militar ohiak hilketetan parte hartu zuela. Hortaz, 150 urteko kartzela-zigorra eskatu du 150 Montanorentzat.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.