Osasun Ministerioak kalean erretzea debekatu eta diskoteken itxiera ezarri du
Osasun Ministerioak eta erkidegoek "aho batez" onartu dute gaur, ostirala, kalean edo aire zabalean erretzea debekatzea (zigarro zein erretzeko gailuak erabilita), bi metroko segurtasun tartea mantendu ezean. Galizia eta Kanarietan jada hartutako neurria estatu osora zabalduko da, COVID-19ari aurre egiteko. Era berean, diskoteka, dantzaleku eta gaueko tabernetako itxiera ordua ere ezarri dute.
Erabakia Euskal Autonomia Erkidegoko Auzitegi Nagusiak (EAEAN) hartutako ebazpenaren ostean ezagutu da. EAEANk Bizkaiko eta Gipuzkoako ostalariek aurkeztutako helegitea partzialki onartu du, eta, hori dela eta, tabernek ez dute 01:30ean itxi beharko. Alabaina, ezingo dira dantzalekuak erabili, ostalariek eskatu bezala.
Hala, Euskadiko tabernak 03:00ak arte eta diskotekak 05:00ak arte egon ahal izango dira zabalik, gaurkoan Osasun ministroak hartutako erabakia Estatuko Aldizkari Ofizialean argitaratu arte.
Hasieran aipatutako neurriak Salvador Illa Osasun ministroak eman ditu ezagutzera, autonomia erkidegoekin izandako ezohiko bilera izan ondoren emandako prentsaurreko batean.
Ostalaritzari dagokionean, jatetxe, terraza, taberna eta jatetxeetan (hondartzetan daudenetan ere) metro eta erdiko distantzia egon beharko da mahaien artean, eta 10 laguneko taldeak elkartu ahal izango dira gehienez. Aipatutako distantzia tabernetako barretan ere mantentzea derrigorrezkoa izango da.
Establezimendu horiek 01:00ak arte egon ahal izango dira irekita, baina gauerditik aurrera ezingo da bezero berririk sartu. Neurri horiekin batera, modu osagarrian, kontrolak areagotzea ere adostu dute, kalean alkohola kontsumitzea saihesteko, kontuan hartuta erkidegoak eta udalak izango direla zigorrak ezarriko dituztenak.
Nagusien egoitzak
Pertsona nagusien egoitzek bisitak modu txandakatuan egiten direla bermatu beharko dute, bisitariek ordu berean bat egin ez dezaten. Gizarte eta osasun zentroetan, era berean, mugatu egingo dira egoiliarren irteerak.
Ekitaldiak
Ekitaldi jendetsuei dagokienez, Osasun Ministerioak ebatzi du autonomia erkidegoek aztertu beharko dutela arriskua, lurralde arteko kontseiluak adostutakoa kontuan hartuta. Hala, eta aipatutako azterketa aintzat hartuta, ekitaldi guztiek erkidegoaren oniritzia izan beharko dute nahitaez.
Albiste gehiago gizartea
Pertsona bat hil da Trebiñun, bi autoren artean izandako istripuan
Gaueko lehen orduan izan da ezbeharra, Araba 2124 errepidean. Bi ibilgailuk aurrez aurre jo dute eta errepidea itxita geratu da Burgoserako norantzan.
Euriteek arazoak eragin dituzte Montserraten eta bi pertsona desagertu dira Bartzelonan
Lekuko batek larrialdi-zerbitzuei dei egin die arratsaldean, Sant Quinti de Medionan, ibaiko urak auto bat arrastaka zeramala eta barruan bi pertsona zihoazela ohartarazteko. Ordu batzuk geroago, autoa aurkitu dute baina inor ez zegoen barruan.
27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta
Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik.
Berrezarrita tren-zirkulazioa Tolosa eta Villabona artean, zutoinen erorketaren ondorengo etenaldia eta gero
Renfek errepide bidez garraio alternatiboa eskaintzeko plan bat jarri du martxan igande goizean, kaltetutako bidaiariak euren azken helmugara edo gutxienez Tolosako geltokira eramateko. Hala ere, zirkulazioa berriro ere martxan jarri da 19:00ak aldera.
Beharrezkoa al da benetan proteina ugariko produktuak kontsumitzea?
Proteinarekiko obsesioa saltokietara iritsi da, baita nutrizionisten kontsultetara ere. Osasungarriak ematen badute ere, etiketak irakurri beharra dago. Adituek formula klasikoa gomendatzen dute: dieta orekatua eta ariketa fisikoa.
Zibererasoak kaltetutako Europako aireportuetan gorabehera gutxi batzuk izaten ari dira oraindik
Aenak larunbatean ziurtatu zuenez, Espainiako aireportuetan ez da ia arazorik izan, baina Europako beste batzuekin lotzen dituzten hegaldietan atzerapenak izan dira, Collins Aerospace sistemarekin lotutako gorabeheren ondorioz.
Gizon bat hil dute gaur goizean Bilbon, eta Ertzaintzak ikerketa abiatu du
Ertzaintzak dispositibo berezia ezarri du Solokoetxe auzoan, eta hainbat gune miatu ditu erasoa ikertzeko.
Ertzaintzak abiadura kontrolatzeko kanpaina bat egingo du datorren astean
2024an, EAEko errepideetan trafiko-istripuetan hildako pertsonen % 32 abiadura desegokiarekin lotutako ezbeharretan zendu ziren.
![(Foto de ARCHIVO)
[Sevilla] [Comunicacion.Csic.Andalucia] Ndp Científicos Del Csic Participan En La Obtención De La Escala De Riesgo Genético De Alzheimer Más Completa
REMITIDA / HANDOUT por CSIC
Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma
04/9/2025](https://s7g10.scene7.com/is/image/eitb/alzheimer:eitb-banner?$eitb-banner$&fmt=webp-alpha&qlt=80)
43.700 pertsonak baino gehiagok dute alzheimerra Euskal Herrian: prebentzioa oinarrizkoa duen erronka handia
Adituen arabera, 2050. urterako 120.000 pertsona baino gehiago izan daitezke kaltetuak. Senideen eta zaintzaileen elkarteek gaixoak zaintzen dituztenen eskubideak aitortzearen garrantzia azpimarratu dute, eta ikusezin bihurtu ohi den lan hori nabarmendu dute.
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.