Hiru pertsona hil dira Bizkaiko adinekoen egoitzetan azken orduetan
Bizkaiko erresidentzietako hiru egoiliar hil dira azken orduetan. 10 dira, beraz, COVID-19aren bigarren oldean zendutako egoiliarrak.
Foru Aldundiaren datuen arabera, 104 kutsatu atzeman dira Bizkaiko adinekoen egoitzetako egoiliarren artean, hau da, herenegun baino lau gehiago. 16 lagun ospitaleetan daude (bi gehiago).
Langileen artean, 89 positibo izan dira probetan, bi egun aurretik baino 11 gehiago. 77k isolatuta jarraitzen dute, baina momentuz positibo eman gabe.
Sei egoitzatan daude kutsatuak: Truiuondo-Zamudio (26), IMQ Igurco Zorrozgoiti-Bilbao (32), Elorduy-Barrika (27), Miranda Fundazioa-Barakaldo (1), Ballesol-Bilbao (5) eta IFAS-Elorrio (13).
Gainera, koronabirus kasuak artatzeko espezializatuta dagoen Birjinetxe zentroan 91 pertsona daude. Horietako 53 adinekoen egoitzen sareko egoiliarrak dira, eta 28 ahultasun egoeran daude.
Bizkaiko Foru Aldundiko emaitza azkarreko taldeek positiboen bila jarraitzen dute, batez ere kasu asko dauden eremuetan. Horrela, gaurtik aurrera Gernikan egiten ari dira proba gehienak. 600dik gora egin dituzte Busturialdeko egoitzetako langileen artean.
19 positibo antzeman dituzte Sestaoko egoitza batean
Horrez gain, Bizkaiko Foru Aldundiak arratsalde honetan jakinarazi du beste agerraldi baten izan dela Sestaoko Albiz Santiago Llanos erresidentzian.
Ospitalean dagoen egoiliar batek positibo eman ostean, egoitzako lagun guztiei (115 adineko eta 96 langile) PCR probak egin dizkiete eta 19 pertsona kutsatuta daudela baieztatu dute. Horietako lauk soilik zeuzkaten gaitzaren sintomak.
Bestalde, Arabako Foru Aldundiak azaldu duenez, beste hiru positibo izan dira Gasteizko Tagore zahar-etxe pribatuan.
Zure interesekoa izan daiteke
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.