Nafarroako Gobernuak gripearen aurkako txertoa jartzeko eskatu die herritarrei
Gripearen aurkako txertaketa kanpaina datorren astelehenean, urriak 5, hasiko da Nafarroan, eta azaroaren 27ra arte luzatuko da. Testuinguru horretan, Nafarroako Gobernuak txertoa jartzeko eskatu die herritarrei, COVID-19ak eragindako pandemiaren ondorioz arrazoi gehiagorekin, gainera. Nafarroak, Espainiako Gobernuko Osasun Ministerioarekin batera prestatu du aurtengo kanpaina.
Ildo horretatik, Nafarroako Osasun Departamentuak 270.000 dosi erosi ditu kanpaina honetarako, hau da, iaz baino kopuru bikoitza (126 000), Santos Indurain Osasun kontseilariak kazetarien aurrean egindako agerraldian azaldu duenez.
Nafarroako osasun-zentro gehienetan eska daiteke jada txertoa jartzeko hitzordua, baita esteka honen bidez ere. Azken kasu horretan, nahikoa izango da osasun-txartelaren zortzi zifrako zenbakia eta jaioteguna jartzea. Gainera, berrikuntza gisa, telefono bidez aurretiko hitzordua eskatzeko sistema berria gaitu dute aurten, dagoeneko martxan dagoena.
Iruñerako eta Eskualderako, telefonoa 659 100 300 da; Tuteran, hitzordua 848 434 430 telefonoaren bidez eskatu behar da. Bi telefonoak astelehenetik ostiralera daude martxan, 08:00etatik 20:00etara. Gainerako tokietan, dagokion osasun-zentrora deitu behar da hitzordua hartzeko.
Arrisku-baldintzak dituzten pertsonak
Gripeak osasunean eragin gehien izan dezakeen pertsonei zuzenduta dago bereziki kanpaina, hala nola 60 urtetik gorakoei, haurdun daudenei, helduei eta osasun-arazo kronikoak dituzten 6 hilabetetik gorako haurrei. Arazo horiek, besteak beste, honako hauek dira: kardiobaskularrak, diabetesa, obesitate morbidoa, giltzurrunetako gaixotasunak, gibelekoak, neuromuskularrak, immunogutxitzea eta minbizia.
Halaber, gripea arrisku-baldintzak dituzten pertsonei kutsa diezaieketen pertsonei ere txertoa jartzeko eskatu die Foru Gobernuak. Hori dela eta, garrantzitsua da osasun-langileek ere txertoa jartzea. Gainera, txertaketa langile soziosanitarioentzat ere gomendatzen da, baita etxeko zainketakoentzat ere, eta baita etxean arrisku handiko pertsonekin bizi diren adin txikikoentzat ere.
Txertoa bereziki egokia da, halaber, hezkuntza-maila guztietako irakasleentzat, segurtasun-indarretako kideentzat, suhiltzaileentzat, babes zibileko zerbitzuentzat, osasun-larrialdietako langileentzat, espetxeetako langileentzat eta ebazpen judizial bidez barneratze-zentroetako langileentzat.
Gripearen aurkako txertaketa kanpainaren helburua aurreko urteetakoa da, alegia, utsatzeak eta gripearen ondorioz hiltzen diren pertsonen kopurua murrizte. Aurten, gainera, COVID-19aren eta gripearen infekzio bikoitz batek heriotza arriskua bikoiztu egingo luke. Horrenbestez, gripearen aurkako txertoa jartzea inoiz baino garrantzitsuagoa da.
2019/2020 gripearen txertaketa-kanpainan, Nafarroan 15.576 kasu atzeman zituzten (15.031 gaixo izan ziren aurreko urtean), 449 pertsona ospitaleratu zituzten eta 17 pertsona hil ziren. Nafarroako Gobernuak azaldu duenez, 60 urte baino gehiagoko pertsonen artean, % 54k jarri zuten gripearen aurkako txertoa. Haurdun zeuden emakumeen artean, gripearen aurkako txertoaren estaldura % 62koa izan zen, eta osasun-langileen artean, % 29koa.
Zure interesekoa izan daiteke
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.