Astebetez luzatu dituzte COVID-19aren aurkako neurri murriztaileak Nafarroan
COVID-19aren pandemia geldiarazteko neurri murriztaileak beste astebetez luzatuko dituzte Nafarroan. Hala erabaki du Nafarroako Gobernuaren Osasun departamentuak. Atzo, 3.165 PCR proba egin eta 253 kasu positibo detektatu zituzten.
Carlos Artundo Osasuneko zuzendari nagusiak esan du Azkoienen, Faltzesen eta Funesen egoera hobera egiten ari dela, baina ezinbestekoa dela "beste ahalegin bat" egitea eta horregatik erabaki dutela neurri murriztaileak mantentzea.
San Adriango egoera bihar aztertuko dute, baina aurreratu du udalerri horretan ere pandemiaren bilakaera positiboa dela.
Hala ere, Artundo ohartarazi du beste herri batzuk ere badaudela "jomugan", batez ere Erriberan, eta erantsi du aste honetan emango dituztela datu zehatzak.
Horrez gain, eta Iruñeko auzo bateko taberna batean gertatu zenari aipu eginez, gogora ekarri du ezkontza, bataio, jaunartze eta bestelako ospakizunak mugatzea derrigorrezkoa dela.
Zahar-etxeetako egoerari dagokionez, Artundok azpimarratu du hainbat agerraldi PCR probak eta test serologikoak egin ostean agertu direla. "Horrek erakusten du testak egitea ez dela nahikoa, prebentzio neurriak hartuko ez badira", ohartarazi du.
Azkoiengo egoitzan 52 egoiliarretatik 49 kutsatu direla eta, zuzendari nagusiak esan du "ikerketa serio eta ofizial baten zain" daudela, "zer gertatu den jakiteko".
Bestalde, Marian Nuin Nafarroako Lan eta Osasun Publikoko Institutuko zuzendariak nabarmendu du azken egunetan kasu positiboen tasak behera egin duela, "astiro, baina etengabe".
Hala, azken astean 2.001 positibo detektatu dituzte, eta 126 pertsona eraman dituzte ospitalera. Zaintza berezietarako unitatean, plazen % 18,60 daude okupatuta.
Kutsatutako lagunen adinari dagokionez, gora egin du 75 urte baino gehiago dituzten pertsonen kopuruak, "eta hori ez da albiste ona", ohartarazi du Nuinek.
Halaber, Tutera inguruan positibo kopuruak berriro egin duela gora esan du. Iruñean eta Lizarran, berriz, joera beherakoa da.
Zure interesekoa izan daiteke
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.