Zahar-etxeetako bisitak eta irteerak mugatu dituzte Nafarroan
Nafarroako Gobernuko Gizarte Eskubideen Departamentuak adinekoentzako eta desgaitasuna duten pertsonentzako egoitza-zentroetako bisitak eta irteerak murriztea erabaki du, COVID-19ari aurre egiteko prebentzio-neurri gisa.
Neurri murriztaile horiek Nafarroa osoan egongo dira indarrean, atzo iragarritako gainerako murrizketak bezala, datozen 14 egunetan. Gainera, bi aste hauetan, udalek beste neurri gehigarri batzuk hartzeko aukera izango dute.
Nafarroako Gobernuak azaldu duenez, adinekoen eta desgaitasuna duten pertsonen eguneko zentroek zabalik jarraituko dute, familia eta lana uztartzeko eta atseden hartzeko funtsezko zerbitzuak direlako, baina neurri zorrotzak ezarriko dituzte eta edukiera % 75era mugatuko dute.
Testuinguru horretan, erretiratuen zentroetarako edukiera % 30era murriztea erabaki dute, orain arte baimendutako % 50aren aldean.
Egoitza-zentroetako bisiten eta irteeren murrizketak hiru salbuespen-kasu izango ditu: bizitzaren amaiera; egoiliarraren deskonpentsazio neurokognitiboaren arintzea eta narriadura psikoafektibo larriko egoerak.
Kasu horietan, bisitak aldez aurretik hitzartuko dira, egoiliar bakoitzeko pertsona bakarrera mugatuko dira eta nahitaezkoa izango da babes-ekipamenduak erabiltzea, egoiliarrak berak ere bai. Horrez gain, higiene eta prebentzio-neurriak errespetatuko dira, bereziki segurtasun-distantzia eta eskuen higienea.
Orain arte, murrizketa horiek mila biztanleko hiru kutsatze baino gehiago zituzten oinarrizko osasun-eremuetan baino ez ziren aplikatzen. Ildo horretatik,
neurri horiek egoiliarrengan eta haien familiengan "inpaktu handia" dutela badakiela esan du Gizarte Eskubideen Departamentuak, baina, koronabirusaren bilakaerari aurre egiteko asmoz, datozen bi asteetan " ahalegin berezia" egin behar dela gaineratu du.
Hori dela eta, "egoitza-sisteman esku hartzen duten pertsona guztien erantzukizunaren eta lankidetzaren aldeko deia" egin du, egoera aldi baterakoa izan dadin eta, ahalik eta lasterren, normaltasunera itzuli ahal izan dadin.
Zure interesekoa izan daiteke
Musikenek "arretaz" ikertuko du harpa irakasle batek ikasleei emandako tratua
Musikeneko Zuzendaritzak "kaltetua izan daitekeen edonori" jakinarazi dio "zentroaren arreta osoa" izango duela, eta, horretarako, ikastetxeak "eskura dituen bideen bidez harremanetan jartzeko" eskatu du.
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.