Auto-ilara luzeak N-637 errepidean, Sondikan, hainbat ibilgailuk talka egin ostean
Hamahiru ibilgailuren arteko istripua gertatu da gaur goizean N-637 errepidean (Txorierriko igarobidea), Sondikan, eta auto-ilara luzeak sortu dira Gurutzetarako noranzkoan, Eusko Jaurlaritzako Segurtasun Sailak eitb.eus-i jakinarazi dionez.
Ezbeharra 07:00ak baino minutu batzuk lehenago gertatu da. Kamioi eta autobus batek eta beste 11 ibilgailuk talka egin dute, Gurutzetarako noranzkoan, eta auto-ilara luzeak sortu dira.
Sei kilometro inguruko auto-ilarak sortu dira, Zamudioraino.
Hasiera batean errepidea guztiz itxi dute bi norabideetan, baina 08:15 aldera errei bat ireki dute.
Istripuaren ondorioz, hiru pertsona eraman dituzte Gurutzetako ospitalera.
Errepide horretan bertan, bigarren istripu bat gertatu da Barakaldon, Gurutzetarako noranzkoan. 11:00ak baino minutu batzuk lehenago, auto bat irauli egin da BEC parean. Emakume bat zauritu da.
Ezbeharraren ondorioz, errei bat itxi dute eta auto-ilara luzeak sortu dira. Ilarak Asuako irteeraraino iristen dira.
Goiz korapilotsua N-1 errepidean, bi istripuren ondorioz
Goizean N-1 errepidean izandako bi istripu auto-ilara luzeak eragiten ari da, Eusko Jaurlaritzako Segurtasun Sailak jakinarazi duenez.
Lehen ezbeharra 06:00ak aldera gertatu da Andoainen, Gasteizerako noranzkoan. Bi autok talka egin dute eta, ondorioz, bi pertsona eraman dituzte Tolosako Asuncion klinikara.
Lau kilometrora arteko auto-ilarak sortu dira. N-1eko istripuak ondorioak izan ditu A-15eko lotunean, eta puntu horretan ere auto-ilarak sortu dira.
Bigarren istripua 07:40an gertatu da N-1 errepidean, Andoainen, baina Donostiarako noranzkoan. Hiru ibilgailuk talka egin dute eta ezkerreko erreia oztopatu dute. Ondorioz, Tolosara arteko auto-ilarak sortu dira.
Dena den, ez da inor zauritu.
Zure interesekoa izan daiteke
Gaur goizean hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.