PCRa egiteko deia egin diete Ermuko eta Mallabiko 13 eta 40 urte arteko herritarrei
Osakidetzak eta Osasun Sailak, COVID-19aren pandemia kontrolatzeko eta zaintzeko lanen baitan, datorren astelehenetik aurrera PCR proba egiteko deia egin die Ermuko eta Mallabiko 13 eta 40 urte arteko herritarrei.
Ermua kolore gorriz dagoen udalerri bizkaitarretako bat da, Abadiñorekin, Durangorekin, Elorriorekin, Lekeitiorekin eta Ortuellarekin batera. Azken 14 egunetan 100.000 biztanleko 500 kasu baino gehiago dituzten herriak dira horiek.
Osakidetzak jakinarazi duenez, PCR probak Ermuko Arizmendi frontoian egingo dira datorren astelehenetik, urriaren 26tik, aurrera, eta gehienez ostegunera arte luzatuko dira, urriaren 29ra arte. PCRak 13:00etik 20:00etara egingo dituzte.
Proba egiteko beharrezkoa da hitzordua eskatzea 943 03 26 44 telefonoan edo Osasun Kontseiluarenean: 900 20 30 50. Larunbat honetan, urriaren 22an, hasiko dira hitzorduak ematen, 09:00etatik 21:00etara, eta emaitzak SMS bidez jakinaraziko dituzte.
Osakidetzak gogorarazi duenez, PCRa egin eta emaitza jakin arte, komeni da harreman sozialeko jarduerarik ez egitea, eta segurtasun neurriak zorrotz betetzea.
Probaren emaitza 72 orduko epean jasoko du herritarrak, SMS bidez, positiboen eta negatiboen kasuan (telefonoa eman beharra dago hitzordua eskatzen denean). Positibo izanez gero, telefonoz deituko dute. PCRa egin eta 72 orduko epean erantzunik jasotzen ez bada, deitu egin behar da osasun zentrora.
Zure interesekoa izan daiteke
Luciaren amesgaiztoa: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuzko etxebizitza bategatik, baina etxea apartamentu turistiko bat da berez. Iruzurgileak gutxienez beste zortzi pertsonari alokatu die, tartean Luciari berari. Biktima horrekin mintzatu da EITB.
Zeledon Txikik eta Edurnek giro aparta sortu dute Andre Maria Zuriaren plazan, Txikien Egunean
Ekain Gonzalez eta Haizea Lauzurica izan dira Zeledon Txikiren eta Edurneren jaitsieraren protagonistak, Gasteizko jaietako haurrek gehien espero duten ekitaldietako batean.
Kerman Villateren familiak gezurtatu egin du Gasteizko Udalak barne ikerketa egin izana
Gasteizko Mitika diskotekako atezain baten kolpe baten ondorioz hildako gaztearen familiak Maider Etxebarria alkatearen adierazpenei erantzun die, eta esan du Udalak ez duela inoiz ikerketa bat egin gertatutakoa argitzeko. Gainera, eskatutako dokumentazioa emateko eta justiziarekin elkarlanean aritzeko eskatu diote Udalari.
Ander Zubillagak omenaldia egin die Biescasko biktimei tragediaren 30. urteurrenean
Uholde batek Biescasko Las Nieves kanpina suntsitu zuen 1996ko abuztuaren 7an, Arasko sakanean bat-bateko ur-goraldi bat izan ondoren. 87 pertsona hil eta 187 zauritu ziren. Ander Zubillaga gitarrista tolosarrak 6 urte eskasekin bizi izan zuen tragedia hura.
Juan Sebastian Elkanoren lehorreratzea antzeztuko da Getarian ostiral honetan
EITBk zuzenean emango du Orain.eus atarian, ETB1en eta ETB ONen, 16:45etik aurrera, lau urtean behin egiten den ekitaldi honen berri.
Zuzenean: Eklipsea Bardean
Abuztuaren 12ko 19:00etatik aurrera, eguzki-eklipse osoaren zuzeneko seinalea eskainiko dugu Bardeatik.
Zuzenean: Juan Sebastian Elkanoren lehorreratzea
Juan Sebastian Elkanoren lehorreratzearen antzezpena zuzenean Getariatik, 16:45etik aurrera.
Asintomatikoa eta kontrolpean dago Galizian atzemandako hantabirusaren kasua
Pazientea, frantziar-argentinar herritar bat, ostatuan isolatuta dago, eta Osasun Ministerioa zein Galiziako Xunta haren kontaktuen jarraipena egiten ari dira.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik atera behar izan dituzte bart, gas-ihesa dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu batak arte ezin izan dute etxebizitzetara itzuli.
Sosik ez, eta hilobirik ere ez: Juan Sebastian Elkano getariar nabigatzaile handiari buruzko 5 bitxikeria
Zenbat dakizu munduari lehen bira eman zion euskal itsasgizon handi honi buruz? Elkanoren figura lerroburuetara ekarri nahi dugu, haren heriotzaren 500. urteurrena bete berri den honetan. Hain justu, Getarian Elkanoren lehorreratzea antzeztuko dute gaur arratsaldean, lau urtean behin egiten den gisara, eta Orain-ek zuzenean eskainiko du, streaming bidez.