Konfinamendu "zorrotzak" eta kirola murriztea aztertzen ari da Eusko Jaurlaritza
Iñigo Urkullu lehendakariak esan duenez, koronabirusaren hedakuntzari aurre egiteko murrizketa berriak ezartzeko aukera aztertzen ari da Eusko Jaurlaritza, esaterako, gaueko aktibitatea "gehiago murriztea", kirol aktibitatea gutxitzea, "goi ikasketetan" hezkuntza telematikoa ezartzea baita konfinamendu "zorrotzagoa" ere, azken neurri horretaz ez baliatzea espero badu ere.
Eusko Legebiltzarreko osoko bilkuran Urkulluk esan duenez, konfinamendua "errazena litzateke", baina mota horretako erabaki bat hartzea ekidin behar da, pandemiaren lehen olatua "oso gogorra" izan zelako.
Lehendakariak, EH Bildu eta Elkarrekin Podemosen galderei erantzunez, kutsatzeak gutxitzeko norbanakoaren eta taldearen konpromisoa eskatu du, eta esan du osasuna herritarren bizitza eta aktibitate ekonomikoa bermatzen dituen oreka bat bilatu behar dela.
Jon Hernandez Elkarrekin Podemos-IUko legebiltzarkideak Eusko Jaurlaritzaren "inprobisazioa" eta mezu "aldakorrak" kritikatu ditu. Gainera, pandemiaren hedakuntzari aurre egiteko ohiz kanpoko neurriez gain, herritarren sektore ahulen bizitza "duina" bermatuko duten erabakiak hartzea eskatu du.
Bere erantzunean, lehendakariak Exekutiboak hartutako neurriak eta ondorio ekonomikoak leuntzeko laguntza programak errepasatu ditu, eta esan du Eusko Jaurlaritza neurri prebentibo berriak hartzeko aukera aztertzen ari dela. Besteak beste, gaueko aktibitatea "gehiago murriztea", aktibitate fisikoa edo kirol aktibitatea gutxitzea, "goi ikasketetan" hezkuntza ez presentziala ezartzea baita konfinamendu "zorrotzagoak" ere.
Exekutiboa konfinamendu zorrotz horiek ez ezartzen saiatuko da, pandemiaren lehen olatuan "oso neurri gogorra" izan zelako. Osasun krisiaren eboluzioaren arabera murrizketak "doitzen" joatearen alde egin du, "bizitzen eta lan egiten jarraitu" ahal izateko. "Azken aukera dena ixtea eta herritar guztiak konfinatzea da. Errazena litzateke, baina ekiditen saiatu behar gara", esan du.
"Osasun publikoaren eta ekonomikoaren arteko oreka"
EH Bilduko bozeramaile Maddalen Iriartek lehendakariari galdetu dio pandemia EAEn izaten ari den eboluzioaren inguruan. Erkidegoak alerta gorrian jarraitzen du, asteazkenean 100.000 biztanleko 607,03ko kutsatze tasarekin.
"Urkullu jauna, zerbait egitea eskatzen dizut, ekonomia kaltetzeko beldurrez beharrezkoak diren neurriak ez hartzeak, azkenean, ekonomia eta osasuna kaltetuko baititu", ohartarazi du.
Neurriak "Estatuko murriztaileenak" direla esan du lehendakariak, "egoera txarrena ez den arren", "kontsolagarria ez bada ere". "Egunez eguneko eboluzioa jarraitzen ari gara, eta neurriak hartzen osasun agintarien bermearekin; lankidetza dago Estatuaren eta euskal instituzioen artean", nabarmendu du.
Gainera, "ziurgabetasunaren aurrean" Eusko Jaurlaritzari "dagokio oreka bermatzea" eta "osasun publikoa, ekonomikoa eta soziala bermatzea".
"Egoera larrian gaude, kezkatuta, eta neurriak hartzen jarraitu behar dugu; onena gure burbuilan geratzea da".
Lehendakariak esan duenez, oraindik txertorik edo ebidentzia zientifikorik ez izanda, beharrezkoa da "erabakiak hartzea", testuingurua kontuan izanda, "osasuna mantentzeko" helburuarekin. "Horretarako osasun sistema eraginkorrena bermatu behar da. Euskadi puntako erkidegoa da osasun inbertsioan, kasuen eta kutsatzeen bilaketan eta detekzioan", esan du.
Nabarmendu duenez, "sektore kaltetuenei laguntzeko" neurriak ere hartu dira. "Lan-erregulazioko espedienteak osatzen, COVID-19 funtsa martxan jartzen eta sektore kaltetuenei diru-laguntzak ematen lehenak izan gara", esan du.
Zure interesekoa izan daiteke
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gizon bat hil da Sopuertan, trafiko istripuz
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.