Olentzero eta Errege Magoak Bilbora iritsiko dira, baina antzerki musikalaren bidez
Olentzeroren Kalejira eta Erregeen Kabalgata Bilboko hitzordu jendetsuak dira. Aurten, koronabirus pandemiaren ondorioz, espazio itxietan antolatutako eta edukiera mugatua eta "segurtasun eta osasun neurri handiak" dituzten bi antzerki musikalek ordezkatuko dituzte, Udalaren arabera.
Itziar Urtasun (Jaiak) eta Gonzalo Olabarria (Kultura) zinegotziek aurkeztu dute Bilboko Udalak Gabonetarako prestatu duen egitaraua. Proposatutako ekintzetan, "segurtasuna eta prebentzioa lehenetsiko dira, baina baita ilusioa eta magia ere".
Udaletxeko eraikin nagusiaren ingurua argazki eta postaletarako irudi ezin hobea bihurtu da. Fatxada nagusiak argiztapen berri bat estreinatu du aurten, eta inguruan 14 metroko zuhaitza, Gabonetako bola erraldoia eta baldosa berri bat ikusiko ditugu. Oso gertu, Areatzako baso magikoa piztu dute, ehun urtetik gorako 120 zuhaitzek osatua, eta urre kolorez estalita, girlanda eta gortina itxurazko ehunka led argiren argiztapenari esker.
Halaber, sei metroko altuera, 12 metroko luzera eta hiru metroko zabalera duen urrezko balea handia jarri dute aurten Gabonetako gune berri batean: Areatzako tunelen artean.
BIDEOA: Gabonetako argiak piztu dituzte Bilbon
Kultur eskaintza gehiago
Arriaga Antzokiak Gabonen aldeko apustua egingo du, barrea agertokitik besaulkien patiora eramateko, behar-beharrezkoa da-eta garai hauetan. Abenduaren 26tik 28ra, udal antzokian Moliereren Anfitrión antzezlan klasiko handiaren hiru emanaldi izango dira.
Gainera, 2021ean, Arriaga Antzokian, urtarrilaren 3tik 5era bitartean, ABAO-Txiki programaren proposamen berri bat izango da. Bilbon baita estreinatzekoa El elixir de amor lana, Gaetano Donizettiren musika lan bat taularaturik, zeinak fantasiazko mundu batean kokatzen baitu bere historia. Ikuskizuna familia osoarentzat da, eta 8 urtetik aurrerako umeentzat gomendatzen da.
BilbaoArten, bestalde, hitzaldiak, topaketak, mintegiak eta ikastaroak eskainiko dira, eta, aldi berean, zinemarekiko hitzorduari leial, Art House Zinema zikloa ere eskainiko da. Gainera, abenduaren 14tik 18ra Ate Irekien jardunaldiak ospatuko dira.
BilbaoMusika udal organismoak, bestalde, hainbat musika-hitzordu prestatu ditu Gabonetarako. Alde batetik, Bilboko Udal Musika Bandak kontzertu berezi bat eskainiko du datorren azaroaren 29an Arriaga Antzokian, Urretxuko Jose Maria Iparragirre koblariaren jaiotzaren berrehungarren urteurrenaren kariaz. Emanaldiaren kariaz, Bilboko Udal Musika Bandak eta Bilboko Koral Elkarteak hainbat lan interpretatuko dituzte, Euskal Herriaren historiaren zati direnak.
Beste alde batetik, Bilboko txistularien udal bandak kontzertu bat eskainiko du abenduaren 18an, Euskal Museoko klaustroan, eta beste bat abenduaren 22an, Bilbao Musikako Ahotsak abesbatzarekin, Gizakunde elizan.
Umeentzako aisialdi eskaintza
Era berean, aurten ere, beste behin, Bilboko Udalak abian jarriko ditu "Gabongune" eta "Gabonkide" aisialdi hezigarriko programak, 3 eta 11 urte bitarteko adingabeentzat, eta txikienek ikasiz batera gozatu egingo dute. Programa horiek laneko eta familiako bizimodua uztartzeko aukera bat dakarkie familiei Gabonetako oporraldian.
“Gabongune” eta “Gabonkide” programak abenduaren 28tik urtarrilaren 8ra bitartean gauzatuko dira, 09:00etatik 14:00etara, Deustuko, Castañosko, Otxarkoagako, Begoñako, Zazpi Kaleetako, Abandoko, Iralako, Basurtuko eta Zorrotzako udaltegietan. Programatutako jarduerarik gehienak espazio irekietan egingo dira: Europa parkea, Areatza, Casilda Iturrizar parkea eta Olabeagako pasealekua, besteak beste.
Egoera sanitarioak aukera ematen badu, Udalak, Bilbao Kirolak entitatearen bidez, "Gabonetan primeran kirola eginez" programa eskainiko du. Azkenean gauzatzeko aukera izanez gero, abenduaren 21,22, 23, 28, 29 eta 30ean gauzatuko da, eta urtarrilaren 4an eta 5ean, Txurdinagako, Deustuko eta San Inazioko udal kiroldegietan.
Gaztekluba, gazteentzako aisialdia
Bilboko Udalak bigarren aldiz antolatzen du "#GazteKluba GABONAK", 12 eta 17 urte bitarteko nerabeentzako aisialdi-eskaintza bat, 2020ko abenduaren 28tik 2021eko urtarrilaren 9ra gauzatuko dena. Gazteei elkartzeko eta jostetarako gune bat eskaintzeko antolatu da, haien artean musika, sormena, kirola edo teknologia sustatzearren, besteak beste.
Programa honetan, gustu guztietarako planak daude. Irteerak izango dira Bilboko aisialdi eta kultur ekipamenduetara, jarduerak egingo dira Bilborocken, kirola ere bai, eta programazioa eskainiko da Gazteguneetan. 415 plaza eskainiko dira, tailer, teknologia, kirol praktikak, dantza, musika eta kultur eta aisialdi irteerak eginez Bilbon.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.