Covid-19aren txertaketa masiboa aste honetan has daiteke Europan
Covid-19aren bigarren olatuak gogor astindu du Europa, eta hainbat herrialdetan hilkortasun-tasa lehen olatuan baino handiagoa izaten ari da. Urtarrilean hirugarren olatua ate joka izango dugula aurreikusten dute, gainera, zientzialari eta osasun arloko profesional askok, eta 2021ean argi-printzak ikusten hasteko presa du kontinente zaharrak txertaketa hasteko.
Sendagaien Europako Agentziak (EMA) abenduaren 21ean amai dezake Pfizer eta BioNTech enpresek covid-19ari aurre egiteko garatutako txertoaren ebaluazioa, hasieran iragarritako abenduaren 29ko data baino 8 egun lehenago, hain zuzen ere. EMAren baitako Giza Sendagaien Batzordearen (CHMP) galbahea gainditzen badu, astearen erdi alderako espero da Europako Batzordeak "Baldintzatutako Komertzializazio Baimena" (CMA) ematea.
CMA ez da behin betiko baimena, ordea, eta Pfizer eta BioNTech EMAren baldintza oso zorrotzen zaintzapean geratuko dira. Hala, jarraipen estua egin beharko diote Europar Batasuneko txertaketa kanpainari aurrez agertu ez diren nahi gabeko ondoriorik agertzen ote den ikusteko, gertatzen badira berehala identifikatu eta EMA jakinaren gainean jartzeko.
Oraingoz, beste txerto zein botiketan agertu daitezkeen albo-ondorio arin eta ohikoak bakarrik erregistratu dituzte: nekea, buruko mina, artikulazio zein giharretako mina, sukarra eta molestiak injekzioa jaso den tokian. Askoz gutxiagotan erregistratu dituzte goragalea eta ziztada jaso den tokia handitzea edo gorritzea.
Dena dela, ez dago ikerketa nahikorik hainbat kolektibotan (16 urtez azpikoetan eta haurdun edo edoskitzaroan dauden emakumeetan, esaterako), eta Pfizerrek ikertzen jarraitu beharko du, eta botikan bertan jakinarazi, Europako araudiak eskatzen duen bezala.
Horrela, Bruselan hasia da jada atzera-kontaketa, eta CHMPk ematen duen ebazpenaren zain egon beharra dagoen arren, Ursula von der Leyen Batzordeko presidenteak dagoeneko iragarri du abenduaren 27an hasiko direla txertaketak EBko estatuetan.
Espainiak, Frantziak eta Alemaniak ere data hori jarri dute ofizialki, txertaketa hasteko. Eusko Jaurlaritzak ez du data zehatz bat eman nahi, lehen dosiak noiz eta zenbat iritsiko diren zehatz-mehatz jakin arte. Nafarroako Gobernuak, baina, dagoeneko aurreratu du abenduaren 27a hastea aurreikusten duela.
Estatuko Segurtasun Indarrek babestuko dute txertoa
Belgikatik iritsiko da Pfizerren txertoaren lehen bidalketa, errepidez. Oraingoz ez dute jakitera eman non gordeko dituzten dosiak, eta "bidalketa lekuak eta gordailuak sekretuak izango dira azken unera arte".
Estatuko Segurtasun Indarren zaintzapean egongo dira txertoak eta txertaketa ekipoak. "Garraioa eskoltatu egingo dute, biltegi eta gordailuak zainduta egongo dira, txertaketa ekipoei lagunduko zaie eta Espainian beste txerto batzuk ikertzen ari diren ikerketa zentroak babestuko dira".
Hernaniko Bexen Medical da Pfizer eta BioNTechen txertoak biltegiratu eta kontserbatzeko baldintza egokienak dituen enpresetako bat.
Susana Otegi Bexen Medicaleko Garapen eta Promozio Saileko arduradunak duela aste batzuk azaldu zuenez, euren laborategietan dituzten ultraizozkailuak zeropetik 70 gradura heldu daitezke, eta, ondorioz, txertoak baldintza egokietan gordetzeko gaitasuna dute.
Erresuma Batuak 350.000 dosi jarri ditu jada eta AEBk 272.000
Erresuma Batuak abenduaren 8an ekin zion herritarrak Pfizerren formularekin txertatzeari, eta Matt Hancock Osasun ministro britainiarraren hitzetan, 350.000 pertsonari jarri diete txertoa larunbateko 20:00ak arte.
Ameriketako Estatu Batuetan ere duela 6 egun hasi ziren Pfizerren txertoa banatzen, eta 272.000 pertsona txertatu dituzte jada.
Bihar, gainera, Modernaren txertoa jartzen hasiko dira AEBn, honek ere premiazko baimena eskuratu eta gero.
Europan, berriz, urtarrilaren 6rako espero da EMAk prest izatea Modernaren txertoaren ebaluzioa.
Hego Amerikari dagokionez, asteazkenean iritsiko dira Sputnik V txerto errusiarraren lehen dosiak Argentinara, hegazkinez. Errusian abenduaren 5ean hasi zuten txertaketa-kanpaina txerto horrekin.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.