Ordaindu gabeko etxeko lana EAEko BPGaren ia % 28 da
Ordaindu gabeko etxeko lanen balioa EAEko barne produktu gordinaren (BPGa) % 27,7 da; 2018an 21.296 milioi eurora iritsi zen.
Eustat Euskal Estatistika Erakundeak Etxeko Lanaren Kontu Satelitearen seigarren edizioa egin du. Helburu nagusia da etxeetan egindako ekoizpen-jardueren irudi globala ematea eta haren balio ekonomikoa kalkulatzea.
Azken 25 urteetako datuak aztertzen baditugu, nabarmentzekoa da ordaindu gabeko etxeko lanen balioaren partaidetzaren ehunekoak behera egin duela BPGan, 1993ko % 46,2tik 2018ko % 27,7ra.
Eustatek azaldu duenez, agerian geratu da etxeko ekoizpena kontraziklikoa dela; izan ere, krisi-garaietan gora egiten du, baliabideak merkatu-ekonomiatik ordaindu gabeko etxeko ekonomiara transferitzearen ondorioz, eta murriztu egiten da oparoaldietan.
2018an, funtzioen araberako banaketak ez zuen alde handirik izan 2013. urtearekin alderatuta, garrantziaren araberako ordenari eusten baitzaio proportzio handiena duten lanetan: lehenik eta behin, janaria (% 40,4) eta ostatuari (% 29,6) loturiko lanak daude; ondoren, zaintza eta hezkuntzari loturiko lanak (% 22,5), eta, azkenik, arropa eta bestelakoak (% 7,5).
Hala ere, nabarmendu behar da gero eta pisu handiagoa hartzen ari dela zaintza eta hezkuntzari loturiko lana; 2008an % 15,5 izatetik 2018an % 22,5 izatera igaro da, janaria emateko eginbeharren kaltetan, 2008an % 44,7 izatetik 2018an % 40,4 izatera igaro baita.
Datuok, antza, biztanleria-piramidearekin bat egiten dute, gero eta adineko gehiago baitaude, eta etxeetan zainketa gehiago behar baita, Eustaten arabera.
Sexuaren arabera
Ordaindu gabeko etxeko lanen balioa sexuaren arabera banatzeari dagokionez, funtsean emakumezkoa da lan horietaz arduratzen dena, ordaindutako merkatuan gertatzen den bezala. Etxeko lanak norbere bertan egiten direnean, % 67,2 emakumeek egiten dituzte.
Funtzioei dagokienez, 2018an gizonezkoen ekarpen handiena ostatuan eta etxebizitzan (% 38) eta zaintza eta hezkuntzan izan da, batik bat (% 34,7).
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.