Osakidetzak 8.000 txertoetatik 6.000 jarri ditu kanpainaren lehen astean
Osakidetzak covid-19aren aurkako txertaketa kanpainaren lehen asterako aurreikusitako 8.000 dosietatik 6.000 jarri ditu dagoeneko, Eusko Jaurlaritzak astelehen honetan Osasun Sistema Nazionaleko Lurralde arteko Kontseiluak egindako bileran jakinarazi duenez.
Osasun Sailak foro horren aurrean azaldu duenez, txertaketa prozesua "normaltasunez" ari da garatzen EAEn, "jaiegunetako zailtasunak" kontuan hartuta.
Gainera, Eusko Jaurlaritzak ohar batean azaldu duenez, kanpainaren lehen hiru asteetan dosien kopuru erdia gordetzen ari dira, Pfizerren txertoak emateko zikloaren amaieran (bi dosi jarri behar dira une desberdinetan) herritar guztiei bigarren txertoa jartzeko kopuru "nahikoa" geratzen dela bermatzeko.
Bi egun falta dira EAEk lehen txertoak jaso zituenetik, eta dagoeneko 6.000 dosi eman dituzte kanpainaren lehen zazpi egunetarako EAEn aurreikusitako 8.000 dosietatik.
Jaurlaritzak azaldu duenez, helburua erreserba "estrategiko" bat mantentzea da, hornidura-arazoak izanez gero, lehen dosia jaso duten pertsonak 21 egunera bigarrena jaso gabe gera ez daitezen, Pfizerren txertoaren zehaztapenek aurreikusten duten bezala.
1.835 txerto jarri dira Nafarroan kanpainaren lehen astean
Nafarroako Gobernuko Osasun Departamentuak 1.835 dosi jarri dizkie egoiliarrei eta zentro soziosanitarioetako langileei txertaketaren lehen astean.
Nafarroako Gobernuak profesionalen eta egoiliarren erantzun ona azpimarratu du ohar batean, % 95etik gorako parte-hartzearekin.
Arlo soziosanitarioko txertaketa planak aurrera jarraitzen du aste honetan, eta urteko lehen hiruhilekoan 36.000 pertsonari txertoa jartzea aurreikusi dute.
Nafarroak, beste autonomia erkidego batzuek bezala, txertoen erreserba estrategiko bat du, sor daitezkeen balizko gorabeherei aurre egin ahal izateko eta, horrela, aurreikusitako bigarren dosiari begira eremu soziosanitarioaren babesa bermatzeko.
Txertoen hornidura sendotzen eta egonkortzen den heinean, erreserba estrategiko hori egokitu egingo da, Nafarroako Gobernuak nabarmendu duenez.
Zure interesekoa izan daiteke
Goiz gorabeheratsua Bilbo inguruko errepide nagusietan
Barakaldon istripua izan da, Ansioko bihurguneetan, Donostiako noranzkoan, eta pertsona bat zaurituta eraman dute ospitalera. Bestaldem lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.