Espainiak zazpi edo hamar egunetan jasoko ditu Moderna txertoaren lehen dosiak
Koronabirusaren kontrako Moderna txertoaren lehen dosiak zazpi edo hamar egunetan jasoko ditu Espainiak. Salvador Illa Osasun Ministroak egin du iragarpena ostegun honetan eta gaineratu duenez, datozen sei edo zazpi asteetan aipaturiko txerto horren 600.000 dosi jasoko ditu Espainiak. Bestalde, otsailaren 14ko Kataluniako hauteskundeetan PSCko zerrendaburu izan arren hauteskunde kanpaina hasi arte (urtarrilaren 29an) ministro karguan jarraituko duela ziurtatu du, kritikei entzungor eginez.
Espainiako Gobernuak Katalunian duen ordezkaritzan egindako prentsaurrekoan Salvador Illak azaldu duenez, txerto berri horrek ez du Gobernuak ezarritako txertaketa egutegian aldaketarik eragingo. Gauzak horrela, dagoeneko aurreikusitako faseetan egingo dute txertaketa, adinekoetatik eta lehen lerroan lanean ari diren osasun langileetatik hasita.
Illak garrantzia kendu dio autonomia erkidegoen artekan dauden txertaketa erritmo ezberdinei eta ziur agertu da guztiak ere prozesua azkartzeko lanean ari direla. Duela egun batzuk esandakoari eutsi dio eta uda inguruan Espainiako herritarren % 70 immunizatuta egongo direla adierazi du.
Modernoaren txertoaren bi dosi eman behar dira eraginkorra izateko. Pfizer etxearen txertoarekin alderatuta, merkeagoa da (30 euro balio ditu) eta ohiko hozkailuetan gorde ahal da (Pfizerren txertoa zeropetik 70 ºC-ko tenperaturan mantendu behar da).
Sendagaien Europako Agentziak asteazkenean eman zion bere oniritzia Moderna txertoari. % 94,5eko eraginkortasuna du.
Beste herrialde batzuek egin dutenari jarraituz Pfizerren txertoaren bigarren dosia atzeratzeko aukeraz galdetuta, Illak berretsi du Espainiak "fabrikatzailearen gomendioak" jarraituko dituela. Gauzak horrela, bigarren dosia ez atzeratzearen alde agertu da.
Zure interesekoa izan daiteke
Zumaiako flyschean harrapatuta geratu diren 40 bat lagun erreskatatu dituzte
Algorri hondartzan egiten ari dira erreskatea. Bertan, ezustean harrapatu ditu mareak txangozaleak.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.