658 covid-19 kasu berri zenbatu dira EAEn azken orduotan
Koronabirus proba diagnostikoen positibo tasa zertxobait murriztu zen ostiralean: aurreko egunean baino bi hamarren (% 7,1) jatsi eta % 6,9an kokatu zen. Hala ere, kutsatu berrien kopuruak gora egin du EAEn; izan ere, 658 positibo berri baieztatu dituzte, azken zenbaketan baino 123 gehiago.
Kasu kopururik handiena Bizkaian atzeman dute, 354 (ostegunean baino 71 gehiago), hain zuzen ere. Gipuzkoan 203 positibo berri zenbatu dituzte (aurreko egunean baino 33 gehiago) eta Araban 95 (22 gehiago). Era berean, beste erkidego batzuetako pertsonen artean sei positibo baieztatu dituzte.
Ospitaleen egoerari dagokionez, 63 pertsona ospitaleratu zituzten atzo, aurreko egunean baino 17 gehiago, eta ZIUetan 75 paziente daude covid-19aren ondorioz, lau gehiago.
Oraingoz, neurri murriztaile berririk ez
Bestalde, Euskadiko Babes Zibileko Planaren (LABI) batzorde teknikoa astelehenean bilduko da berriro, koronabirusaren pandemia Euskal Autonomia Erkidegoan izaten ari den bilakaera aztertzeko.
Ostiralean hitzordua izan zuen LABIren batzorde teknikoak, baina ez zuen neurri berririk proposatu. Astelehenean jakingo da, beraz, EAEn covid-19aren aurka indarrean dauden neurriak zorroztuko dituzten ala ez.
Aurreratu zuten bakarra da gaur egungo datuak "kezkagarriak" direla. "Goranzko joera hartu dute, eta nahiz eta bilakaera geldoa izan, egoera arduratzeko modukoa da", esan zuten.
Lau adineko hil dira Bizkaiko egoitzetan
Azken orduetan lau adineko hil dira Bizkaiko egoitzetan covid-19aren ondorioz. 244 kutsatu daude lurraldeko zentroetan; aurreko balantzean 291 ziren.
Foru Aldundiak jakitera eman duenez, ostiralean 150 positibo (15 gutxiago) baieztatu zituzten Bizkaiko egoitzetan, eta 25 adineko ospitaleratu behar izan dituzte gaixotasunaren ondorioz, aurreko balantzean baino bat gutxiago. 2.594 adineko, aldiz, sendatu dira.
Bestalde, egoitzetako 137 langilek eritasuna dute, eta beste 95 bakarturik daude, baina gaixotasuna baieztatu barik.
Bederatzi zentrok covid kasuak dituzte: Truiondo-Zamudio (36), Txurdinagabarri-Bilbo (32), Arandia-Arrigorriaga (27), Anai Cantero I-Bilbo (17), Bilbozar-Bilbo (14), IFAS-Gallarta (9), Arratiako Egoitza-Dima (8), Indautxu Gurena-Bilbo (6) eta Artibai-Ondarroa (1).
Nafarroa
160 koronabirus kasu berri zenbatu zituzten atzo Nafarroan, bezperan baino 14 gehiago, Foru Gobernuak zabaldutako behin behineko datuen arabera.
Denera, covid-19a atzemateko 2.960 proba egin ziren, 1.860 PCR eta 1.100 test antigeno, eta positibo tasa % 5,4koa izan zen; osteguneko datuarekin alderatuta, beraz, 1,3 puntu jaitsi da tasa.
Ostegunean zazpi pertsona ospitaleratu zituzten covid-19arekin Nafarroako erietxeetan, horietako bat ZIUn.
Eskualdeka, Iruñerria da positibo gehien dituena azken orduotan, zenbatutako kopuru osoaren % 61. Tutera inguruko bizilagunak kutsatuen % 13 dira, eta Lizarraldekoak % 7.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.