Lau hildako eragin ditu Filomena denboraleak Espainian
Iragarpen meteorologikoek Filomena ekaitzak elurte handiak ekarriko zituela zioten eta bete-betean jo dute. "Azken 50 urteetako denboralerik gogorrenaren aurrean gaude", adierazi du Jose Luis Abalos Espainiako Garraio, Mugikortasun eta Hiri Agenda ministroak, eta joan-etorri guztiak saihesteko eskatu die herritarrei. Izan ere, elurteak triskantza eragin du penintsularen erdialdean eta Madril izan da kaltetuenetakoa.
Lau pertsona hil dira denboralearen ondorioz Espainiar Estatuan: bikote bat Mijasen (Malaga), urak arrastaka eramanda; 54 urteko gizon bat Zaragozan, elurrak lurperatuta; eta etxegabe bat Calatayuden (Zaragoza), hotzak jota.
Elurteak muturrekoak izaten ari dira Penintsularen erdialdean. 1971tik ez du horrenbeste elurrik egin, AEMETek jakitera eman duenez, eta Larrialdietarako Unitate Militarrak ehunka ibilgailu erreskatatu behar izan dituzte Estatu osoko errepideetan. Madrilen bakarrik ia 1.500 pertsona erreskatatu dituzte.
Madrilgo aireportuak jarduera guztia eten du, baita trenek eta autobusek ere, eta metroak, unean-unean, zerbitzua emateari utzi dio.
17:00ak aldera utzi dio elurra egiteari Madrilen, 30 orduz etenik gabe aritu ostean.
Filomena amaitzen denean, egoera "berdina edo arriskutsuagoa" izango da izotza dela eta
Abalosek ohartarazi duenez, Filomena denboralea joaten denean, egoera "berdina edo arriskutsuagoa" izango da, izotz plakak sortuko baitira. "Ekaitza amaitzen denean, hotz handiari aurre egin beharko diogu, tenperatura oso baxuak izango dira eta agian egoera arriskutsuagoan sartuko gara. Izotz horiek desagertzea kostatu egingo da", adierazi du.
Filomena depresioak alerta gorrian jarri ditu Teruel, Zaragoza, Tarragonara, Castello eta Valentzia, eta bera desagertzearekin batera, penintsula erdialdean ostegunera arte iraungo duen hotzaldia iritsiko da: -10ºC-ko minimoak izango dira Estatuko Meteorologia Agentziak (AEMET) emandako abisu bereziaren arabera.
Euskal Herrian ez da horrenbeste hoztea espero eta tenperaturak gora egiten hasiko dira asteazkenetik aurrera.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.