Barakaldoko eta Getxoko hainbat trastelekutan ostutako objektuak berreskuratu dituzte
Ertzaintzak Barakaldoko eta Getxoko hainbat trastelekutan ostutako objektuak berreskuratu ditu, eta 40 urteko gizon bat atxilotu du Barakaldon, lapurreta horiekin zerikusia duelakoan. Etxean, metatutako zenbait objektu zituen gordeta atxilotuak, eta objektu horietako batzuk balio handikoak dira. Ertzaintza lapurreta horiek salatu zituzten herritarrekin harremanetan jarri da, lapurtutako objektuak berreskura ditzaten.
Ostegun honetan Ertzaintzak jakitera eman duenez, Sestaoko Ertzainetxeko hainbat ertzainek, aste batzuetan luzatu den ikerketa baten buruan, gizon bat atxilotu zuen aurreko astean, zenbait trastelekutan izandako lapurretekin zerikusia duelakoan. Gizonak, etxean, objektu hauek zituen gordeta: hainbat bizikleta, monopatinak, moto-kaskoak, lanabesak, ordenagailuak, urrutiko aginteak, eta zenbait giltza. Barakaldoko trasteleku batzuetan berriki izandako zenbait lapurretatan ostatutako objektu batzuekin lotura omen dute horiek guztiek.
Ikerketan egiaztatu zutenez, atxilotuak bi trasteleku zituen alokatuta; bata, Barakaldon, eta bestea, Lezaman. Sestaoko Ertzaintza trasteleku horietara joan zen, eta metatutako zabor handia atzeman zuten, bai eta dozenaka objektu, batzuk balio handikoak.
Lapurretak salatu dituzten herritarrekin harremanetan jarri da Ertzaintza, horiek objektuak berreskura ditzaten. Ikerketak aurrera jarraituko du, objektu guztien jabeak topatzea helburu; izan ere, hainbat eta hainbat objektu berreskuratu ditu Ertzaintzak.
Atxilotutako gizona epailearen esku utzi zuten, polizia-izapideak eginda.
Zure interesekoa izan daiteke
Galarretako sutea eremu berrietara ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz parke naturaleko sutearen itzaltze-lanetan.
Emakume bat itota hil da Donostiako Ondarreta hondartzan
Bart gauean gertatu da, biktima uretan zegoela, bainulari talde batekin batera, eta egoeraren berri eman dute, baina ezin izan dute heriotza saihestu.
Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Asteazken arratsaldean Biarritzeko Miramar hondartzaren eta itsasargiaren ondoan izandako luiziaren ondorioz lurperatuta geratu ziren bi pertsonetako baten gorpua berreskuratu dute larrialdietako taldeek.
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.