Baheketa Bizkaiko 25 egoitzatako eta eguneko zentrotako 756 langilerentzat, Durangon
Bizkaiko Foru Aldundiak baheketa prebentiboa egingo die ostegun honetan Durangaldea eta Lea-Artibai eskualdeetako adineko pertsonentzako eta desgaitasuna duten pertsonentzako 25 zentro soziosanitarioetako, egoitzetako eta eguneko zentroetako langileei.
Guztira, 756 langile deitu dituzte. 9:00etan hasiko da baheketa, Durangoko Elkartegian.
Testuinguru horretan, Bilbon, Santa y Real Casa de la Misericordia egoitza-zentroan, 13 adineko pertsonak eman dute positibo, ostiralean txertoaren lehen dosia jasota. Zamudion, Truiondo egoitzan, 65 erabiltzaile daude kutsatuta. Bizkaian, Aldundiak jakitera eman duenez, 340 egoiliarrek eman dute positibo, azken egunotan.
Gizarte Ekintza Sailaren Ikuskaritza eta Kontrol Zerbitzuaren arabera, astearteko azken orduetan 240 egoiliar zeuden kutsatuta adineko pertsonentzako Bizkaiko 154 egoitzetan (aurreko zenbaketan baino 109 gehiago), eta 31 zeuden ospitaleratuta (bost gehiago).
Hala, 14 zentrotan dago egoliarren bat kutsatuta: Marcelo Gangoiti-Muskizen (84), Truiondo-Zamudion (55), Txurdinagabarri-Bilbo (18), Anai Cantero I-Bilbo (16), Arandia-Arrigorriaga (15), Beato Domingo Iturrate-Getxo (12), Arratiako Egoitza-Dima (10), Gallarta-IFAS Laguntza Zentroa (9), Misericordia-Bilbo (9), Bilbozar-Bilbo (3), Caser Artxanda-Bilbo (3) Indautxu Gurena-Bilbo (3), Artibai-Ondarroa (3) eta Len-Turtzioz (2).
Halaber, 84 lagun daude Birjinetxeko unitate espezializatu soziosanitarioan, koronabirusak kutsatuta. Horietako 57 egoitza-zentroetako erabiltzaileak dira, eta beste 27ak, aldiz, hauskortasun-egoeran daude, eta koarentena ari dira egiten, ospitaleratu eta gero.
Unbeko unitate espezializatuan, berriz, 23 lagun daude (12, egoitza-zentroetakoak; 11, hauskortasun-egoeran dauden pertsonak).
Agerraldia, Zamudioko Truiondo egoitza-zentroan
Aldundiak emandako datuetan, Zamudioko Truiondo egoitza-zentroan atzemandako agerraldiaren gaineko hainbat datu daude. Bertan, 113 erabiltzaile eta 80 langile daude; azken PCR proben arabera, 65 egoiliarrek eman dute positibo (60 asintomatikoak dira), hau da, astelehenean baino 29 gehiago.
Horietako 55 egoitzan daude, hiru ospitalean, eta zazpi unitate soziosanitario espezializatuetan. Halaber, 32 langilek eman dute positibo.
Bilbon, Santa y Real Casa de la Misericordia egoitzan (177 erabiltzaile eta 180 langile daude bertan), 13 egoiliar daude kutsatuta; lauk sintomak dituzte. Lau horietako bat ospitaleratu dute, eta beste hirurak, aldiz, unitate soziosanitario espezializatuetara eraman dituzte.
Egoitzan kutsatuta dauden bederatzi erabiltzaileak asintomatikoak dira. Bost langilek eman dute positibo. Zentroko erabiltzaileek eta langileek aurreko ostiralean, urtarrilaren 8an, jaso zuten covid-19aren aurkako txertoaren lehen dosia.
Guztira, egoitzetan dauden 2625 erabiltzailek gainditu dute gaixotasuna (negatibo eman dute, positibo emanda); azken orduetan, 22 erabiltzaile sendatu dira. Langileei dagokienez, 137k zuten baieztatutako positiboa (aurreko zenbaketan baino lauk gutxiago), eta beste 95 bakartuta zeuden (covid-19a baieztatu gabe), igandean baino hiru gutxiago.
Azken orduetan, covid-19a zuten lau egoiliar zendu dira. Pandemia hasi zenetik, 145 hil dira, beraz.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.