18 pertsona atxilotu ditu Ertzaintzak murrizketekin lotutako istiluetan
18 pertsona atxilotu dituzte Euskal Autonomia Erkidegoan covid-19aren kontrako murrizketekin lotutako istiluetan, botilioietan eta legez kontrako festetan neurri murriztaileak ez betetzeagatik 735 akta ireki dituzten asteburuan, Ertzaintzak esan duenez.
Bizkaian hamar pertsona atxilotu ¡ eta 320 zigor jarri dituzte; Gipuzkoan, zazpi eta 254, eta Araban, bat eta 161.
Donostian, Ertzaintzak Trinitate Plaza hustu zuen 20:00ak inguruan, larunbatean, "pertsona askok botiloia egiteko asmoa" zutelako. Ertzainei objektuak jaurti zizkieten eta lau pertsona atzeman dituzte istiluetan.
20:10ean, Mungian (Bizkaia) "hainbat pertsonak neurriak betetzen ez zituzten" kale batera joan ziren Ertzaintzaren zenbait patruila. Poliziak esan duenez, gazteren batek ertzainaren kontra egin zuen, eta 19 urteko gizon bat atxilotu dute, autoritate agenteen kontrako atentatuagatik.
Gainera, Gasteizeko ostalaritza establezimendu batean zutik eta sei pertsonatik gorako taldeetan urtebetetze festa bat ospatzen ari ziren 55 pertsona salatu ditu Ertzaintzak, baita lokalaren jabeak ere.
Bilbon, 5:10 inguruan, jai bat topatu du pabilioi bateko atikoan, bizilagun batek gau osoan musika entzuten ari zela ohartarazi ostean. 36 pertsona identifikatu dituzte.
Gainera, Gipuzkoan, Olaberrian eta Irunen kalean covid-19aren kontrako neurriak errespetatu gabe edaten ari ziren pertsonak ere salatu dituzte.
Ertzaintzak "osasun araudia zorrozki betetzen dela" zainduko du
Josu Erkoreka Segurtasun sailburuak asteburuko "gizalegearen kontrako ekintzak" kritikatu ditu, eta ohartarazi du Ertzaintzak "osasun araudia zorrozki betetzen dela" zaintzen jarraituko duela.
"Bizitza dugu jokoan, batez ere arrisku taldekoena. Gizarte heldu batek ezin ditu mota honetako gizalegearen kontrako ekintzak onartu", esan du.
Mungiako Udalaren gaitzespena
Mungiako Udalak covid-19aren kontrako neurriak errespetatzen ez dituztenen jarrera "insolidarioak, gizalegearen kontrakoak eta fustifikaezinak" salatu ditu.
Istiluen ostean, Udalak "gogor gaitzetsi" ditu gertaerak, "pertsona batzuek euren gurariak guztion ongizatearen gainetik ipini eta besteonganako errespetua ahaztuta eragindakoak".
"Sinestezina da oraindik batzuek ez ulertzea mundu osoan eta, ondorioz, gure herrialdean eta herrian bizi dugun egoera zein den", esan du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.