KORONABIRUSA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Poliziak 104 salaketa jarri ditu Iruñean asteburuan

Salaketa horietatik 89 partikularrei egin dizkiete eta 15 establezimenduei. Legez kanpoko zortzi jai atzeman eta 40 pertsona salatu dituzte.
Iruñeko Udaltzaingoa eta Foruzaingoa
Iruñeko Udaltzaingoa eta Foruzaingoa. Argazkia: Iruñeko Udaltzaingoa.

N.B. | EITB MEDIA

Azken eguneratzea

Udaltzaingoak eta Foruzaingoak 104 salaketa jarri dituzte Nafarroako hiriburuan asteburu honetan, covid-19aren aurkako araudia ez betetzeagatik.

Udaltzaingoak twitter sare sozialean adierazi duenez, salaketa horietatik 89 partikularrei jarri dizkiete eta 15 establezimenduei.

Gainera, agenteek legez kanpoko zortzi jai atzeman dituzte, 40 pertsona salatu dituzte eta 19 droga harrapaketa egin dituzte.

Bestalde, bide-segurtasuneko patruilek 12 zirkulazio-istripu artatu dituzte asteburuan; eta, mila euroko isuna jarri diote gidari bati, eta gidabaimenetik sei puntu kendu dizkiote, alkoholemia-proban positibo eman baitu.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.
Gizartea Nafarroa Iruñea Osakidetza Gaixotasunak Eguneko Titularrak Zientzia Medikuak Foruzaingoa Sendagaiak Erizaintza Txertoak Nafarroako Ospitale Gunea Covid-19aren aldaera berriak Osasunbidea Anbulatorioak

Zure interesekoa izan daiteke

Gehiago ikusi
Publizitatea
X