Positibitatea % 5,5era igo da EAEn, hiru egunez jaisten aritu eta gero
Eusko Jaurlaritzako Osasun Sailak emandako datuen arabera, 11.236 proba diagnostiko egin zituzten atzo, ostirala, bezperan baino ia 4.000 gutxiago eta 613 pertsonak eman zuten positibo. % 5,5era igo da, beraz, covid-19aren positibitate tasa Euskal Autonomia Erkidegoan, hiru egunez jarraian behera egin ostean. Azken egunetan %5aren azpitik zebilen, bi hilabetean lehen aldiz.
Positibo kopurua aurreko egunekoa baino txikiagoa da (643 kasu izan ziren ostegunean), baina positibotasun tasa % 4,7koa zen ostegunean, eta % 5,5ekoa izan zen, berriz, ostiralean.
Positibitate tasan izandako igoera horrekin, azken egunetako joera hausten da, beraz. %5eko langa horrek erakusten du birusaren transmisioa komunitarioa den edo ez: zenbat eta baxuago hobe eta %5etik aurrera kontroletik kanpo dagoela esan nahi du.
Lurraldeka, Bizkaian 367 kasu atzeman ziren, Gipuzkoan 162 eta Araban 71. Gainera, 13 kasu diagnostikatu ziren EAEn bizi ez diren pertsonen artean.
Ospitaleetako datuei dagokienez, 80 pertsona ospitaleratu zituzten atzo, bezperan baino 17 gehiago eta 170 gaixo larri zeuden ZIUetan covid-19arekin, ostegunean baino hiru gutxiago.
Eusko Jaurlaritzak ez du datorren astelehenera arte udalerri bakoitzari buruzko informaziorik emango, ezta RO indizea eta 14 egunetan 100.000 biztanleko dagoen intzidentzia tasa berrituko ere. Ostegunean 536,48koa zen datua.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.