Nafarroan kurbaren egonkortzea baieztatu dute 57 kasu zenbatu baitituzte
Joan den igandean bezala, astelehenean ere 57 kasu detektatu zituzten Nafarroan, baina positiboen tasa % 5,2tik % 3,4ra jaitsi da eta azken egunetan ez da heriotzarik izan, Nafarroako Osasun Publikoko Institutuak jakinarazi duenez.
Guztira, 1.856 proba egin zituzten (859 PCR eta 997 antigeno test) eta bi pertsona ospitalera eraman zituzten, horietako bat zainketa intentsiboetako unitatera.
Pandemia hasi zenetik, 1.094 pertsona hil dira koronabirusarekin eta 50.892 kutsatu dira.
Nafarroa da covid-19a detektatzeko proba gehien egiten duen Estatuko erkidegoa: 1.047,34 test egiten ditu 1.000 biztanleko; Estatuan, batez beste, 687,91 egiten dira, Osasun Ministerioaren arabera.
Zonaldez zonalde, kasuen % 43 Iruñerrian antzeman dituzte; % 5, Tutera inguruan; eta % 52 gainerako udalerrietan.
Adinari dagokionez, positibo gehienak 30-44 adin tartean eta 15 urtetik beherakoen artean detektatu dituzte,% 25 eta % 23, hurrenez hurren.
Ondoren, 45 eta 59 urte bitarteko taldea dago: %21; 15 eta 29 urte bitartekoak %17 dira; 75 urtetik gorakoak, berriz, %9, eta 60 eta 75 urte bitartekoak, %5.
Positibo berrien batez besteko adina 38 urtekoa da. Kutsatutakoen %59 emakumezkoak dira eta % 41 gizonezkoak.
Bestalde, Osasunbideak azaldu duenez, 119 pertsona daude ospitalean, atzo baino zazpi gutxiago. Horietatik, 20 zainketa intentsiboetako unitatean daude eta 23 etxean ospitaleratuta.
Txertaketa kanpainari dagokionez, 20.625 lagunek hartu dituzte bi dosiak. Atzo, 1.332 txerto jarri zituzten eta, guztira, 53.333 dosi ipini dituzte.
Zure interesekoa izan daiteke
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.