Hezkuntza zentro publikoetako langileak txertatzen hasi dira
Osakidetza gaur arratsaldean hasi da hezkuntza publikoko 55 urtetik beherako langileak (irakasleak eta irakasle ez direnak) txertatzen. Zehazki, maskararik erabiltzen ez duten ikasleekin harremanetan dauden beharginak izango dira txertoa jasotzen lehenak: Haur Hezkuntzakoak, Heziketa Berezikoak, ikasgela egonkorretakoak eta jantokietako begiraleak.
Halaber, gaur hasi dira eguneko zentroetako erabiltzaileak eta zentro horietako 55 urtetik gorako beharginak babesten Pfizerren txertoarekin. Berez, ostiralean abiatu zen txertaketa egoitza horietan, baina AstraZenecaren dosiekin (55 urtetik beherako beharginak babesten hasi ziren).
Horrez gain, ostegun arratsaldean hasi ziren Osakidetzan azpikontratatuta lan egiten duten anbulantzietako langileak immunizatzen, eta gaur jarraituko dute horretan.
Hezkuntzan, hurrengoak, itunpeko eta pribatuetako langileak
Ondoren, itunpeko eskolako irakasleei, eskola pribatuetakoei eta 0 eta 3 urte bitarteko haurrekin lan egiten duten langileei jarriko diete txertoa (12.000 guztira), Eusko Jaurlaritzako Hezkuntza Sailaren arabera.
LSB-USO Hezkuntza Irakaskuntza Federazioak adierazi duenez, ikastetxeek dagoeneko egin dituzte egoera horretan dauden langileen zerrendak, eta bi ordutegitan deituko dituzte Mutualiako zentroetara txertoa hartzera: 08:00etatik 08:30era eta 16:30etik aurrera. Txertaketa guztiz borondatezkoa da.
Txertoa jasoko duen hurrengo taldea (6C) Lehen eta Bigarren Hezkuntzako irakasleak izango dira.
6. taldeko langile guztiek (poliziak eta irakasleak) AstraZenecaren txertoa jasoko dute.
Oraingoz, 55 urtetik gorako langileek ez dute txertorik jasoko, nahiz eta maskara erabiltzen ez duten ikasleekin harremanetan egon, LSB-USO sindikatuak salatu duenez.
Osasun Sailak zazpi txertaketa-talde ezarri ditu, pertsona ahulenei eta kutsatzeko arriskua dutenei dosiak emateko.
BIDEOA | Eguneko zentroetako erabiltzaileen txertaketa
BIDEOA | Anbulantzietako langileen txertaketa
Zure interesekoa izan daiteke
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren laguntza-oihuak entzun dituzte eta lagundu dute. Emakumea sexu-erasoen protokoloari jarraituz artatu dute, eta atxilotua, 38 urtekoa, epailearen esku uzteko zain dago.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.