Positiboek apur bat gora egin dute Nafarroan
Astea hastearekin bat gora egin ohi dute koronabirus kasuek, eta atzokoa ez zen salbuespena izan. Nafarroak 59 positibo zenbatu zituen, Foru Gobernuak emandako behin-behineko datuen arabera.
Atzokoan 1.754 proba diagnostiko egin zituzten (aurreko egunean baino 970 gehiago), eta horietatik % 3,4 positibo izan ziren. Horrenbestez, positibotasun tasak bi puntu egin du behera (% 5,4an zegoen herenegun).
Bezperan baino 17 kasu gehiago dira, baina duela astebeteko zein bi asteko datuekin alderatuta, antzeko datuak izan dira (57 kutsatze zenbatu ziren bi egunetan).
Kasu gehien pilatzen dituzten udalerri edo guneei dagokienez, Murchante da denen buru, sei positiborekin, eta Altsasu bigarren, lau kasurekin. Zerrendan hirugarren tokian ageri dira Zizur Nagusia eta Zangoza herriak eta Azpilagaña Iruñeko auzoa, hiruna kutsatzerekin.
Lau pertsona ospitaleratu dituzte eta ez da inor hil
Atzokoan, lau pertsona ospitaleratu zituzten, horietako bat ZIUn, baina ez zen inor hil covid-19ak jota.
Azken astean ere batez beste proba gehien egin dituen autonomia erkidegoa izan da Nafarroa: 1.048,22, mila biztanleko. Estatuko batez bestekoa, berriz, 705,19 probatan dago, Foru Gobernuak zehaztu duenez.
Adin tarteei dagokienez, 15 urtetik beherakoen eta 45 eta 59 urte bitartekoen artean gertatu dira kutsatzen gehienak (% 29 eta % 25, hurrenez hurren).
Batez beste 33,3 urtean dago positibo berrien adina, eta kasuen % 51 gizonezkoen artean eman dira.
Ospitaletan 79 pertsona daude gaur egun, covid-19ak jota (atzo baino sei gutxiago). Horietatik 20 ZIUn daude, 11 etxean artatzen dituzte (atzo baino bat gutxiago) eta gainerako 48 gaixoak logela arruntetan daude (atzo baino sei gutxiago).
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.