Apur bat jaitsi dira positibo berriak eta intzidentzia-tasa metatua Euskadin
Euskadin covid-19aren 331 kasu positibo atzeman dituzte azken orduetan, aurreko egunean baino bederatzi gutxiago, eta intzidentzia-tasa metatuak behera egiten jarraitzen du, 233,30era iritsi arte.
Eusko Jaurlaritzako Osasun Sailaren azken datuen arabera, 9.409 test diagnostiko egin dituzte asteazken honetan, aurreko egunean baino gehiago (8.213). Horrela, positibo tasa puntu erdi baino gehiago murriztu da, % 3,5era, duela bi hilabete eta erditik izan den ehunekorik txikienera; pandemiaren bilakaera neurtzen duten gainerako adierazleek egonkor edo beheranzko joeran jarraitzen dute.
Lurraldez lurralde aztertuta, Bizkaian gora egin dute kasuek (216), eta Gipuzkoan eta Araban, berriz, behera, 93 eta 66 kasu atzeman baitira, hurrenez hurren. Euskaditik kanpo bizi diren pertsonen artean lau kasu zenbatu dituzte.
Bi asteko intzidentzia-tasa metatuak behera egiten jarraitzen du, eta 233,30ean dago; astearteko datuarekin alderatuz, hamar puntu (243,85) txikitu da. Beheranzko joera mantendu egin da lurralde guztietan, Bizkaia buru dela (259); ondoren Araba (246,21 kasu 100.000 biztanleko) eta Gipuzkoa (178,91) daude.
Presio asistentziala apur bat txikiagoa izan da azken orduetan. Nahiz eta azken egunean 45 gaixo ospitaleratu dituzten gela arruntetan (aurreko eguneko kopuru bera), aurreko egunean baino bost gaixo gutxiago daude orotara Euskadiko ospitaleetako gela arruntetan, 262, hain zuzen.
Bestalde, zainketa intentsiboetako unitatean dauden gaixoak 124ra jaitsi dira; asteartean baino bi gutxiago. Guztira, 386 pertsona daude EAEko ospitaleetan, asteartean baino zazpi gutxiago.
Oinarrizko birsorkuntza-tasa (R0), gaixo batek zenbat pertsona kutsa ditzakeen adierazten duena, 0,88koa da, aurreko egunean bezala. Indize horrek behera egin du Araban (1etik 0,90era) eta Gipuzkoan (0,93tik 0,91ra), eta gora Bizkaian (0,83tik 0,87ra).
500 kasutik gorako intzidentzia metatua duten udalerriei dagokienez, Bizkaian Derio bakarrik dago egoera horretan, Santurtzi eremu gorritik atera ondoren.
Gipuzkoan, Oñatik 500 kasutik gora jarraitzen du, eta Aretxabaletak 522,6ra igo du intzidentzia.
Eskoletako egoera
80 ikasgela itxi dituzte ostegun honetan Euskadin, covid-19aren kasuren bat atzeman ostean; hau da, asteazkenean baino sei gutxiago eta ikasturte honetan dauden ikasgelen % 0,46.
Hezkuntza Sailaren datuen arabera, 51 ikastetxek dute klaseren bat itxita, joan den asteazkenean baino bat gehiago.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.