Txertaketa kanpainaren erradiografia EAEn, AstraZenecako etenaren ostean
Koronabirusaren aurkako txertaketa kanpainak aurrera darrai Euskadin, AstraZenecako txertaketa behin-behinean eten badute ere. Hain zuzen, 80 urtetik gorakoak eta osasun langileak txertatzen ari da une honetan Osakidetza, Pfizer eta Moderna enpresetako dosiekin.
Atzo, Espainiako Gobernuak eta erkidegoek AstraZenecako txertaketa 15 egun gelditzea adostu zuten, Sendagaien Europako Agentziak (EMA) txerto horri buruzko behin betiko ondorioak kaleratu arte. Frantzian, Alemanian eta Italian ere eten egin zuten.
EMAk ostegunean publikatuko ditu bere ikerketaren emaitzak, baina dagoeneko aurreratu du AstraZenecako txertoa segurua dela eta ez dutela loturarik atzeman Europako zenbait herrialdetan jazotako tronbosi kasuekin. Hori horrela, txertoaren onurak arriskuak baino askoz gehiago direla adierazi du.
Gaur, Gotzone Sagardui Eusko Jaurlaritzako Osasun sailburuak lasaitasun mezua helarazi nahi izan die herritarrei berriz. Izan ere, Euskadin AstraZenecaren txertoko 50.474 dosi jarri dituzte dagoeneko, eta ez da eman albo-ondorio larririk. Aste honetan, beste 24.000 jarri behar zituzten, baina geldiarazi egin dituzte.
Bestalde, Jaurlaritzak berrantolatu egin beharko ditu txertaketa guneak, egun txertatzen ari diren kolektiboen (80 urtetik gorakoak eta osasun langileak) baldintzen arabera egokitzeko.
Pfizerren eta Modernaren dosi gehiago
Sagarduik azaldu duenez, atzo Pfizerren 30.420 dosi heldu ziren, eta Modernaren 10.600.
Orain arte, 30.565 txerto jarri dituzte 90 urtetik gorakoen artean, hau da, populazio horren % 89,3 txertatu dituzte. 80 urtetik gorakoen kolektiboan, aldiz, 31.493 dosi jarri dituzte (herritar horien % 24).
100 urtetik gorakoen artean dagoeneko bukatu dute lehen dosia ematen, eta hurrengo taldea 70 urtetik gorakoak izango dira. Hori bai: oraindik ez dago datarik, heldutako dosi kopuruen araberakoa izango baita.
Orotara, 248.308 txerto jarri dituzte orain arte Euskadin; horietako 68.035, bigarren dosiak.
Lehen dosia jaso dutenen artean, 974k eman dute positibo, hau da, eraginkortasuna oso handia da, % 99,44koa. Bigarren dosia jarrita dutenen artean, are handiagoa da eraginkortasuna, espero bezala: % 99,87a, eta % 99,93koa bigarren dosia jaso zenetik astebete baino gehiago pasatu eta gero.
Nolanahi ere, Jaurlaritzak kezka agertu du, azken egunetako datuek okerrera egin dutelako. "Tendentzia aldaketa egon daitekeela dirudi", ohartarazi dute.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.