Osasun Saila: "Arakatzaileen xedea ez da zigortzea, kutsatzeen katea moztea baizik"
Eusko Jaurlaritzaren Osasun Sailak nabarmendu du oso garrantzitsua dela covid-19an positibo eman dutenek "birusa transmititzea eragin duen edozein jarduera"ren berri ematea arakatzaile taldeari. Izan ere, gogorarazi duenez, langile horien helburua ez da "inor zigortzea, baizik eta kutsatzeen katea moztea".
Ohar batean, prebentziorako jarraibide "errazak" gogorarazi nahi izan ditu birusa hedatzen jarrai ez dezan. Kutsatzea saihesteko neurriak dira, baina baita gaixotasuna hartu ondoren ez zabaltzeko ere.
Kutsatzea saihesteko, Osasun Sailak azpimarratu du transmisio-arriskua areagotu egiten dela distantzia laburrean, ingurune itxi eta jendetsuetan, bereziki gaizki aireztatutakoetan, eta aerosolen sorrera handitzen duten jarduerak egiten badira, hala nola, ariketa fisikoa egitea, ozen hitz egitea, oihukatzea edo abestea.
Hori horrela, kutsatzea neurri hauen bidez murriztu daiteke: distantzia mantenduz, baldin eta elkarrekin bizi ez diren pertsonekin bagaude; eskuak sarri garbituz; maskara beti eramanda, batez ere elkarrekin bizi ez diren pertsonekin; espazio itxiak aireztatuz, eta "burbuila" mantenduz, hots, kontaktu gutxi izanda.
Sintomak badituzu, autoisolatu
Era berean, Osasun Sailak azpimarratu du "oso garrantzitsua" dela pertsona bakoitzak arduraz jokatzea birusa hartu duen susmoaren aurrean edo pertsona positibo batekin kontaktuan egon bada. Covid-19rekin bateragarriak diren sintomak izanez gero (sukarra, eztula, eztarriko mina, aire faltaren sentsazioa edo usaimena galtzea, besteak beste), telefonoz jarri behar da harremanetan osasun-zentroarekin. Eta une horretatik aurrera, testa egin arte itxaron gabe, jarrera arduratsuena berehalako autoisolamendua da.
Gainera, sintomak sentitzen hasi aurretik, komeni da azken bi egunetan izandako harreman estuen zerrenda bat egitea, informazio hori zaintzaren eta miaketaren arduradunei helarazteko eta kutsatze-katea lehenbailehen eten ahal izateko.
Hori horrela, nabarmendu du ezinbestekoa dela "birusa transmititzea eragin duen edozein jarduera" miaketa-taldeari zehaztea. "Gogoratu beharra dago zaintza eta miaketa sareak ez duela egindakoengatik zigortzen, bere helburua, ostera, kutsatze katea moztea da", erantsi du.
Albiste gehiago gizartea
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko bizilagun bat da.
Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.
Renfek 8.000 autobus baino gehiago programatuko ditu uztailaren 25etik irailaren 21era, Gipuzkoan, obrengatik
Konpainiak ohar batean adierazi duenez, lan horien ondorioz, uztailaren 25etik irailaren 21era bitartean eten egin behar da tren zerbitzua aldirietako zerbitzuaren tarte jakin batzuetan eta distantzia ertain eta luzeko ibilbideetan.