22. Korrika, 2022ko martxoaren 31tik apirilaren 10era
AEKk 2022an Korrika berreskuratzeko asmoa du. Horregatik, lanean ari dira datorren urtean 22. Korrika egin ahal izateko, 2022ko martxoaren 31tik apirilaren 10era.
Milaka herritar aldi berean Euskal Herriko 80 txoko baino gehiagotan elkartu dira igande honetan, eta euskararen lekukoa kalera atera dute, "Bultza euskaltegiak! Bultza euskara!" aldarrikatzeko, AEK-k jakitera eman duenez.
Gaurko eguna ez dute kasualitatez aukeratu; izan ere, "Korrika atzeratu behar izan ez bagenu, gaur bertan bukatuko zatekeen, baina azken urtean bizi izan dugun egoera korapilatsuak ez digu utzi euskararen aldeko ekimenik garrantzitsuena aurten egiten", gogorarazi dute ohar batean.
Esan bezala, Korrika atzeratu egin dute, baina ez dute bertan behera utzi, eta, gainera, azpimarratu dute "oraindik ere nahitaezkoa dela duela 40 urte jaio zen ideia ero eta zoragarri hura gauzatzea". Horregatik, AEKn lanean ari dira datorren urtean 22. Korrika egin ahal izateko 2022ko martxoaren 31tik apirilaren 10era.
AEK-k azpimarratu duenez, euskaltegiek mende erditik gorako ibilbidea egin dute, eta, "poztasunez, esan behar dugu ondorio emankorrak" sortu dituztela; hala, euskarak hiztun berri asko irabazi ditu azken hamarkadetan, eta, horien artean, hainbat eta hainbat euskaltegietatik atera dira.
Pandemia garaian ere, osasun neurriak errespetaturik, ohiko ikastaroekin jarraitzen dute euskaltegiek; hori dela eta, nabarmendu dute "aurten ere euskaltegietan ari diren irakasleen eta ikasleen ahalegina". Euskal Herrian nahiz munduko hainbat tokitan, aurten 40.000tik gora herritar dabiltza euskaraz komunikatzeko bidea egiten.
Hala eta guztiz ere, "argi dago oraindik lan handia dugula egiteko: Euskal Herriko herritarren % 55 erdaldunak dira, eta, beraz, euskaltegi guztiak dira beharrezko jendarte euskalduna amets badugu", onartu dutenez.
"Euskaltegi sendoak behar ditugu, Euskal Herri osoko herritarrei euskara ikasteko aukera emateko baldintza egoki guztiekin", erantsi dute. AEKren hitzetan, "horretarako, ezinbestean, EAEko, Nafarroako eta Ipar Euskal Herriko administrazioetatik bultzada estrategikoa eman behar zaio arloari".
Hala ere, euskarak herria behar duela nabarmendu du AEK-k. "Helduen euskalduntze mugimendua sustatzeko eta euskaltegiei bultzada emateko, denok egin dezakegu geure ekarpena: egunero eta aukera dugun guztietan euskara erabiliz eta prestigiatuz, jendea euskaltegietara joan dadin animatuz, matrikulazio-kanpainak sustatuz, euskaraz bizitzeko nahia plazaratuz...", azaldu du.
Zure interesekoa izan daiteke
119 pertsona identifikatu dituzte Gasteizko URSSA eta EGA fabriketan, eta beren gauzak aterarazi dizkiete
Ertzaintzak, Polizia Nazionalak eta Udaltzaingoak dispositibo bat jarri dute abian Adurtza auzoan abandonatuta dauden bi lantegietan, "osasungarritasun" arrazoiengatik. Operatiboan hainbat objektu aurkitu dituzte, eta nondik datozen ikertzen ari dira.
Pertsona bat hil da eta ehundik gora artatu dituzte EAEn, beroaren ondorioz
Osakidetzak emandako datuen arabera, hildakoa Arabako 80 urteko herritar bat da. Artatu dituzten kasu gehienek sintoma arinak zituzten: zorabioak, nekea edota desorientazioa bezalako sintomekin lotutakoak.
Barakaldo eta Erandio lotuko dituen pasabidea muntatzen hasi dira
All Iron Barakaldo eta Erandio oinezkoentzat zein txirrindularientzat lotuko dituen plataformaren muntaketak lehen urratsa eman du. Bi garabi erraldoi aritu dira gaur goizean pasabidearen lehen bi zatiak instalatzeko lanetan. Pasabide berriaren lanak 2027ko udan amaitzea aurreikusten dira
Astelehenean herrian eraso homofobo "bortitz" bat gertatu zela salatu du Tolosako Udalak
Udalak bere elkartasun eta babes osoa helarazi dizkio erasoa jasan duen pertsonari eta haren ingurukoei, eta "gorroto, diskriminazio edo indarkeria adierazpen oro —sexu-orientazioagatik zein genero-identitate edo adierazpenagatik— errotik gaitzesten" duela berretsi du.
Udalekuetan adingabeen babesa indartzeko erreforma azken txanpan sartu da
Gazteria Legea moldatzeko irizpena onartu du gaur Eusko Legebiltzarrak, eta ekainean osoko bilkuran eztabaidatu eta bozkatu egingo da.
Albiste izango dira: Alerta laranja beroagatik, polemika Flotillaren ongietorrian izandako istiluengatik eta Zapateroren agerraldia, atzeratua
Gaurkoan Orain-en albiste izango direnen laburpena, bi hitzetan.
Bi ibilgailuren arteko istripu batek 5 kilometroko auto-ilarak sortu ditu N-1ean, Andoainen
Bi erreietako bat itxi egin behar izan dute, eta, ondorioz, ilara luzeak sortu dira.
Senegalen hildako arrantzale lekeitiarraren familiak laguntza eskatu du gorpua aberriratzeko
Lekeitioko 45 urteko arrantzale bat hil zen duela sei egun Senegalen, Dakar inguruko uretan. Ordutik, haren familia zain dago gorpua aberriratzeko; izapide burokratikoen eta Senegalgo portuetako traben ondorioz, itsasontzian jarraitzen du gorpuak. Bermeoko ATUNSA enpresako langile bat zen.
Lagako hondartzako aparkalekua uda osoan egongo da zabalik
Hondartzaren inguruko ingurumena birsortzeko lanak udazkenera arte atzeratuko dira, Espainiako Gobernuaren Bizkaiko ordezkariordeak jakinarazi duenez.
Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.