Lau urteko zigorra ezarri diote Tuteran bikotekidea bortxatzen saiatu zen gizon bati
Nafarroako Auzitegi Nagusiak lau urteko kartzela zigorra ezarri dio Tuteran bikotekidea bortxatzen saiatu zen gizonari. Auzitegi Nagusiko arlo zibileko eta zigor-arloko Salak Nafarroako Lurralde Auzitegiak urtarrilean emandako epaian jasotako egitate frogatuak berretsi ditu, baina ezarritako zigorra murriztu du (zazpi hilabete kendu dizkio) epaia emateko orduan bidegabeko diligentziak izan direla argudiatuta.
Epaiak jasotzen duenez, gaur egun 25 urte dituen gizonak eta 24 urteko biktimak 2013 amaieran abiatu zuten harremana. 2016ko maiatz eta urri artean erabat gaiztotu zen bien artekoa.
Eraso sexuala 2017ko urtarrilaren 3an jazo zen, emakumearen etxebizitzan. Gizona biktima bortxatzen saiatu zen, baina ez zuen lortu emakumeak aurre egin baitzion. Bere burua defendatzeko, gizona atzamarkatu zuen eta haginka egin zion.
Erasoaren ondorioz, emakumeak "depresioa, ondorio psikosomatikoak, autoestimu baxua, hartu-emanetarako zailtasunak eta erasotzailearekiko izua" pairatu zuen.
2018ko urtarrilean, egokitu ahal zitzaizkion kalte-ordain eta indarrean zuen urruntze-aginduari uko egiteko idatzia aurkeztu zuen biktimak.
Egitate frogatuak berretsi ditu Auzitegiak
Erasotzailearen defentsak Nafarroako Lurralde Auzitegiaren epaiaren kontrako helegitea aurkeztu zuen, absoluzioa eskatuz. Fiskaltzak eta akusazio partikularrak, bestalde, epaia berrestea eskatu zuten.
Azken biei arrazoia eman die Salak, izan ere, biktimak egindako gertakarien kontakizunari "sendoa" iritzi dio, emakumeak "jazoeren sekuentzia logiko eta koherentea" gorde zuelako eta ez zuelako "kontraesan edo inkoherentziarik" izan.
Horrez gain, udaltzainen lekukotzek ere biktimaren kontakizuna berretsi zutela uste du Auzitegiak. Horien esanetan, "emakumea negarrez, antsietate handiarekin eta oso urduri topatu zuten, hitz egiteko zailtasun handiekin". Medikuen parteak, auzitegiko medikuen txostenak eta psikologoen ebazpenak ere baieztatu zituzten gertakariak.
Dena dela, eta defentsak halakorik eskatu ez bazuen ere, Auzitegi Nagusiak bidegabeko luzapenen aringarria aintzat hartu du. Izan ere, 18 hilabete igaro ziren epaiketa amaitu zenetik —2019ko ekainaren 27a— epaia eman arte —2021eko urtarrilaren 14a—.
Zure interesekoa izan daiteke
Joko-aretoetan erruleta-makinak manipulatzen zituen talde kriminal bateko burua atxilotu dute Irunen
Ertzaintzak 29 urteko gizon bat atxilotu zuen joan den ostegunean Irunen, joko-areto batean makinak manipulatzen harrapatu ondoren. Atxilotu zutenean, egun horretan lapurtu zituen 31.000 euro baino gehiago zeramatzan, eta aurreko egunean antzeko beste lapurreta bat egin Donostiako beste lokal batean. Poliziaren arabera, atxilotutako gizona talde kriminal bateko burua da, eta hainbat lapurreta egozten dizkiote horri.
Osakidetzak iraungitako 274 txerto eman zituen 2025ean Euskadiko 13 ESIetan
Osasun Sailak orain emandako datuen arabera, akats horiek ESI guztiei eragin zieten.
Ilarak kontsulatuetan, migratzaileak erregularizatzeko prozesua abiatu berritan
Ilara luzeak izan dira Bilboko Marokoren kontsulatuan, Aldizkari Ofizialean migratzaileen ezohiko erregularizazioa argitaratu ostean. Bilbokoa da Euskal Herri osoan eta Espainia iparraldean dagoen Marokoren kontsulatu bakarra.
Oposizioak salatu du Euskadiko Osasun Itunaren balantzea "marketin hutsa" dela
EH Bilduk, PPk eta Sumarrek salatu dutenez, Eusko Jaurlaritzak Euskadiko Osasun Itunaren betetze mailari buruz egindako balantzea "marketin-ariketa” hutsa da, eta Osakidetzan bizi den "errealitatetik oso urrun" dago. Halaber, Euskal Osasun Zerbitzuan dauden arazoak konpontzeko "balio ez" duela aurpegiratu dute, eta, era berean, ituna euskal osasun-sistema "erortzen uzteko koartada" bat dela deitoratu.
Iruñeak Txupinazo Txikia egingo du uztailaren 10ean
Lehen Hezkuntzako ikasleek jaurtiketa egingo dute udaletxetik, sanferminetako Haur Egunean.
Europar Batasunak "teknikoki prest" du adina egiaztatzeko doako aplikazioa, adingabeak sareko eduki kaltegarrietatik babesteko
Helburua da, beranduenez urtearen amaieran, estatu kide guztiek bermatua izan dezatela aplikaziorako sarbidea, Europa mailan tresna bat izan dezaten, gailu mugikorren eta beste batzuen bidez sare sozialetara sartzen diren erabiltzaileen benetako adina egiaztatzeko.
Osasun Itunak jasotako neurrien % 85 martxan daudela adierazi du Martinezek
Alberto Martinez Osasuneko sailburuak nabarmendu duenez, Osasun Itunak jasotako 332 ekimenetatik 282 (% 85) dagoeneko "martxan" daude, eta neurri horien "eragin argia" sumatzen da Osakidetzan.
Eusko Jaurlaritzak gaitzetsi egin du migranteak erregularizatzeko prozesuan euskara ikastea kontuan ez hartzea
Nerea Melgosa sailburuak gogorarazi du Eusko Jaurlaritzak euskara ikastea eta formakuntza-prozesuetan parte hartzea positiboki baloratzea eskatu zuela.
Gizon bat ikertu dute urrian Zornotzan bi sexu-eraso egiteagatik
Bizkaiko udalerrian 2025eko urrian egindako ekitaldi batean gertatu ziren bi erasoak. Biktimetako batek salatu zuen baimenik gabe musu eman ziola gazteak, eta bigarren batek indarra erabilita sexu-erasoa egiten saiatu zela salatu zuen.
Gizon bat atxilotu dute neska adingabe bati sexu erasoa egiteagatik, Arabako Aldundiaren tutoretzapekoa bera
Biktimak orain atxilotuta dagoen mutilarekin sexu-harremanak izateari uko egin zion, eta orduan egin zion sexu-erasoa. Joan den igandean, apirilaren 5ean, lagun batekin aisialdian zegoela ezagutu zuen mutila. Hezitzaileetako bati gertatutakoa kontatu ondoren, neskari osasun-zentro batera laguntzeko protokoloak aktibatu ziren, eta ustezko erasotzailearen aurkako salaketa jarri zen.