EAEk NBEren Generation Equality ekimenarekin bat egin du, berdintasuna helburu
Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak iragarri duenez, Euskal Autonomia Erkidegoak (EAE) Nazio Batuen Erakundearen Generation Equality proiektuan parte hartuko du, Emakunderen bitartez. Beijingo Emakumeen Munduko IV. Konferentziaren 25. urteurrena ospatzeko NBE Emakumeak agentziak bultzatutako ekimena da, eta Jaurlaritzak berdintasunaren aldeko itun soziala lortzeko baliatu nahi du.
Iragarpena Legebiltzarrean egiten ari diren kontrolerako saioan egin du Artolazabalek. Azaldu duenez, "nazioarteko ekimen horren helburua da munduko konferentzian parte hartu zuten emakumeen legatua belaunaldi berriek jaso dezatela, etorkizunean berdintasunaren aurrerakuntza bermatzeko modu gisa".
Sailburuaren hitzetan, "Euskadin, Emakunderen sustapenaren bidez, Generation equialityk eskaintzen digun esparrua aprobetxatu nahi dugu, herrialde garen aldetik berdintasunarekin dugun konpromisoan beste urrats bat gehiago emateko, eta, nazioarteko esparru horretan, zerbait garrantzitsua sortu nahi dugu: Euskadin berdintasunaren aldeko eta indarkeria matxistaren aurkako itun sozial eta herritar bat sortzea".
Horren ildotik, aurreratu du Euskadiko gizarte-eragile guztiei dei egingo zaiela, berdintasunarekin duten konpromisoan beste urrats bat gehiago emateko, eta, Generation Equalityk eskaintzen dituen tresna metodologikoak eskura jarriko dizkiela.
Azaldu duenez, "metodologia hori, dagoeneko, ari da probatzen Euskadin", Emakundek haren Kontsulta Batzordeko elkarteekin eta Euskadiko Gazteriaren Kontseiluko ordezkariekin eginiko lan prozesuaren bidez "gure errealitatera egokitu ondoren", gaineratu du.
"Ibilbide horren jarraibideak eman ditugu eta Beijingen printzipioetan oinarritzen dira. Erakunde, entitate eta enpresa bakoitzari eskaintze zaio haren eremuan edo erakundeak azken 25 urteotan berdintasunaren arloan izan dituen aurrerakuntzen barne-diagnostikoa egitea eta etorkizunean zein aurrerapauso egiteko konpromisoa hartzen duen zehaztea", argitu du.
"Belaunaldi berria berdintasunaren belaunaldia izatea nahi dugu"
Artolazabalek iragarri duenez, gainera, ekimen horren nondik norakoak Bilbon hilaren 26an egingo duten ekitaldi batean azalduko dituzte. Bertara erakundeetako, gizarte zibileko eta elkarteetako ordezkariak gonbidatu dituzte.
Sailburuaren irudiko, topaketa hori "erabat beharrezkotzat jotzen dugun itun baten hazia izango da; izan ere, beste urrats bat gehiago ekarriko du Euskadiko gizarteak berdintasunarekin duen konpromisoan, hura gero eta handiagoa dela kontuan hartuta". Eta, amaitzeko, honako hau esan du: "Gobernuan ekimen hori belaunaldi berria berdintasunaren belaunaldia izatea nahi dugulako sustatzen dugu".
Zure interesekoa izan daiteke
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.