Pandemiaren "jakintza-alor anitzeko begirada" bildu du profesional talde batek
Guztira, 44 profesionalek, gehienak medikuak eta ikertzaileak, Covid-19aren Liburu Zuria aurkeztu dute ostiral honetan. Koronabirusaren pandemia, haren ondorioak eta aurre egiteko politikak aztertu dituzte idazlanean.
“Gure lurraldeak hilgarritasun-tasa handienetarikoa izan du”, azaldu dute prentsaurrekoan. “Faltan bota ditugu gardentasuna, informazio eta datu gehiago eskuragarri izatea analisi-gaitasun handiagoa izateko, seguruenik ere aurrean genuen arazoari aurre egin ahal izateko inbertsio handiagoa, eta, nola ez, horregatik gaude hemen, posible den neurrian, jakintza-alor anitzeko begirada independente bat informazioa aztertu eta neurriak proposatu ahal izateko”, deitoratu dute.
“Guk baino hobeto egin duten herrialdeak eta eskualdeak izan dira; are gehiago, pandemia garaitu dute; beste batzuek ez, ordea”, onartu dutenez. “Erantzukizun guztia biztanleriari bota dakioke? Segur aski ez”, azpimarratu dute.
“Pandemia hasi zenetik 15 hilabete igaro direnean hasieran bezalaxe egoteak ez du zentzu askorik, begien bistakoa da”, nabarmendu dute. Horregatik, “liburuko 175 proposamenak kontuan hartzea espero dugu”, aldarrikatu dute.
'Covid-19aren Liburu Zuria'ren aurkezpena. Argazkia: EFE
“Liburuan planteatzen ditugun gauza asko ez direla orain arte kontuan hartu, horrek kezkatzen gaitu”, onartu dute. Profesionalen ahotan, “ez badugu aldatzen orain arte egin duguna, berriz leku berdinera buelta gaitezke. Egia da txertaketan itxaropen handia jarri dela, baina oraindik bide luzea dago egiteko arlo horretan ere bai”. “Guretzat kezkatzekoa da berriz ere leku berdinera itzultzea, bide beretik jarraitzen badugu”, erantsi dutenez.
“Pandemiarekin agertu diren arazo asko aurretik ere bagenituen eta jadanik geneuzkan erronka asko azaleratu dira, eta, ondorioz, esparru publikoa eta lehen arreta indartzeko eztabaidagaia funtsezkoa da”, uste dute.
“Osasun-aurrekontuaren heren bat arlo pribatuan inbertitzen da, baina pandemiaren zama alde publikoak hartu du”, berretsi dutenez. Horregatik, “akats eta egoera berdinak ez errepikatzea” eskatu dute.
“Egin beharreko aldaketak ez dira slogan bihurtu behar, ikuspuntu askotariko aldaketak dira”, azpimarratu dute, liburuaren jakintza-alor anitzeko begirada nabarmenduz. “Neurriak edo erabakiak hartzen direnean, angelu ezberdinak hartu behar dira kontuan”, berretsi dute.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.