Ostalaritzak 22:00ak arte zabaltzeko aukera izango du Euskadin
Ostalaritzak 22:00ak arte zabaltzeko aukera izango du Euskadin. LABI instituzionala arratsaldean bildu da, alarma-egoera amaitu bezain pronto ezarriko diren neurriak zehazteko.
Honenbestez, ostalaritzak ateak 22:00etan ixteko aukera izango du Euskal Autonomia Erkidegoan, igandetik aurrera, hau da, orain arte baino bi ordu lehenago.
EAEko Auzitegi Nagusiak Eusko Jaurlaritzaren dekretu zirriborroaren aurka azaldu ondoren, LABIren aholku batzordeak neurri sorta onartu du arratsaldean.
Tabernetan eta jatetxeetan, barneko edukiera % 50ekoa izango da. Debekatuta dago barran edo zutik kontsumitzea. Mahai bakoitzean, gehienez 4 pertsona izango dira, eta nahitaezkoa da maskara erabiltzea, irensteko unean izan ezik.
Mugikortasunari dagokionez, bertan behera geratzen dira itxiera perimetralak eta etxeratze agindua. Hala ere, gaueko mugikortasuna 23:00etatik 06:00etara “automugatzea” gomendatu du LABIk.
Bileratan, bertan behera geratzen da pertsonak elkartzeko muga, ostalaritzan eta kirolean izan ezik. Hala ere, 4 pertsona baino gehiagoren bilkurak saihestea gomendatzen da.
Oro har, 22:00etan establezimenduek itxi behar dute, eta kultura-, gizarte- eta merkataritza-jarduerak eten.
Merkataritzako aforoei dagokionez, 150 metro karratu baino gehiagoko saltokietan, % 40koa izango da; eta 150 metro karratura arte, % 60koa. Azoka txikietan, baimendutako postuen % 50a izango da.
Txokoak, elkarte gastronomikoak, lonjak eta antzekoek itxita jarraituko dute. Gaueko aisialdiari dagokionez ere, gaueko aisialdirako establezimenduek eta lokalek itxita jarraitzen dute.
Joko-lokalek ere 22:00etan itxi beharko dute, eta aforoa %50ekoa izango da.
Kultu-lekuek % 35eko edukiera izango dute. Beilatoki eta ehorzketetan: aire zabalean, 30 pertsona gehienez; eta leku itxietan, 6 gehienez.
Osasun Publikoaren Zuzendaritzaren gidalerroak betetzen dituen protokoloa beharko dute Musika- eta ahots-jarduerek.
Azkenik, kirol-instalazioek % 50eko aforoa izango dute. Aldagelek, % 35ekoa. Ikuslerik ez da izango kirol-ekitaldietan. Kirola egiteko, aire zabalean edo barnealdean, gehienez 6 pertsona bildu daitezke. Eskola-kirola entrenamenduan eta aldagelarik gabe posible izango da. Maskara nahitaez erabili behar da, lehiaketetan eta kanpoan egiten den jarduera fisiko bizietan izan ezik.
LABI osteko agerraldian, mugikortasuna “borondatez eta kontzienteki” mugatzen jarraitzea eskatu die Iñigo Urkulluk herritarrei.
Alarma-egoeraren amaierak eta EAEko Auzitegi Nagusiaren ebazpenak dekretu berria baldintzatu dutela onartu du lehendakariak.
“Erkidego ezberdinetan neurri berdinek guztiz kontrakoak diren erabaki judizialak eragitea gizarteari azaltzea eta ulertaraztea oso zaila da”, azpimarratu du buruzagiak.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.