Ostalaritzari buruzko neurriak "arinegi" ez hartzea da "gakoa", Urkulluren ustez
Iñigo Urkullu lehendakariak uste du "gakoa" dela "txostenek arrisku handikoak" diren espazioen, tartean ostalaritzaren barnealdearen, inguruko neurriak "arinegi" leuntzea.
Lehendakaria horrela mintzatu da Carmelo Barrio PP+Cs taldeko legebiltzarkideak egindako galdera bati erantzunez. Buruzagi popularra kexu agertu da EAEko ostalaritzaren sektoreak beste erkidegoetako lokalekin alderatuta izan duen "kalteagatik". Hain justu, LABIren Aholku Batzordeak astelehenean hartu beharreko neurrien inguruko argibideak eskatu dizkio.
Urkulluk gogorarazi duenez, LABIren erabakiak Batzorde Teknikoka egiten dituen txostenetan oinarritzen dira, eta aipatu du teknikariek EAEko ostalaritza elkarteek egindako proposamenen inguruko azterketa egin dutela. Horren harira, ebatzi dute erkidego eta herrialde guztietan hartu dituztela ostalaritza ixteko edo mugatzeko neurriak, "eta zenbaitzuetan hemen baino zorrotzagoak izan dira", erantsi du.
Lehendakariaren aburuz, "gako da erabakiak arinegi ez hartzea, batez ere adituek arrisku handikoak diren espazio horiei dagokienez: leku itxiak, aireztatze gutxiagorekin, jende ezberdinaren bilkurekin eta maskara tarteka kentzen diren horiek".
5.100 milioi pandemiari aurre egiteko
Osasun krisiari epe ertainean erantzuteari buruz, lehendakariak iragarri du pandemia hasi zenetik EAEko erakundeek 5.100 milioi euro bideratu dituztela covid-19aren eragina arintzeko enpresa eta familien artean.
Halaber, azaldu du duela sei hilabete txostena eskatu ziotela EHUri pandemiaren kudeaketaren azterketa independentea egin zezan.
Urkullu, Kontrolerako saioan. Argazkia: EFE
Maddalen Iriarte EH Bilduko bozeramaileak egindako itaun bati erantzunez egin ditu iragarpenak lehendakariak. Bozeramaile abertzaleak azterketa "independente" bat behar dela uste du, eta horrelakoak eskatzean, koalizioak osasun krisiari eman beharreko erantzuna hobetu nahi duela azpimarratu du, "ez da inori ezer aurpegiratzeko", gaineratu du.
Horren harira, Iriartek Urkulluri eskatu dio oposizioarekin elkarlanean eta lankidetzan aritzeko sistema bat martxan jartzeko: "Lidergoak ezin du, nire ustez, aginte bertikala izan. Ea hemendik aurrera egin ahal dugun orube bat zuk hainbeste aipatzen dugun elkarlanerako".
Erantzunean, lehendakariak ihardetsi du, EAEko erakundeek pandemiarako bideratu dituzten baliabide guztiak zenbatuta, 2.190 milioi euro bideratu dituztela laguntza zuzenetan. Horiei finantza eta mailegu arloan emandako beste 2.920 milioi euro batu behar zaizkio. Guztira, beraz, 5.100 milioi euro.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.