Txertoa jaso dutenek, sarrera librea Ipar Euskal Herrian ekainaren 9tik aurrera
Arriskuko toki batetik ez datozen bisitariek, besteak beste, Europar Batasunetik datozenek, ez dute koronabirus probarik aurkeztu beharko, Frantziako Estatuan sartzeko ekainaren 9tik aurrera, beti ere txerto homologaturen bat jaso dutela egiaztatzen badute. Honenbestez, dagoeneko txertoa jaso dutenek sarrera librea izango dute Lapurdin, Zuberoan eta Nafarroa Beherean. Horrela, aurrerantzean mugako bi aldeen arteko mugikortasuna errazago izango dute immunizatuek.
Datorren astetik aurrera indarrean izango diren baldintzen berri eman du Pariseko Gobernuak. Estatu bakoitzari emaniko kolorearen arabera –berdea, horia edo gorria-, baldintzak aldatuko dira.
Berdean dauden estatuentzat, horien artean Espainiarentzat, covid-19aren aurkako txertorik jaso ez badu soilik azken 72 orduetako PCR ala antigeno proba negatiboa aurkeztu beharko du bidaiariak. Hori bai, txertoa Europako Sendagai Agentziaren bermea izan behar du.
Laranjan dauden herrialdeen kasuan (Erresuma Batua edo AEB), bisitariek probak aurkeztu beharko dituzte, nahiz txertoa jaso. Era berean, txertoa jaso ez duten pertsonak bidaia egiteko arrazoi zerrenda bat aurkeztu behar dute, eta zazpi egunetan zehar isolatu.
Zonalde gorrietatik, Indiatik esaterako, heltzen direnek baldintza are zorrotzagoak bete beharko dituzte. Horrela, zaintzapeko eta derrigorrezko 10 eguneko koarentena egin beharko dute txertoa jaso ez dutenek.
Frantziako Gobernuak alerta maila areagotu du toki batzuetan, intzidentzia tasa kontuan hartuz, eta birusaren aldaerak agertu ondoren. Pandemia kontrolpean dutela ematen du. Hala ere, ia 5,7 milioi covid-19 kasu eta 83 400 hildako baino gehiago baieztatu ditu Osasun Ministerioak.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.