45 urteko herritarrei txertoa jasotzeko txanda ematen hasi da Osakidetza

Osakidetza hasi da 45 urteko herritarrei txertoa jasotzeko txanda ematen. Osasun eremuen arabera adinean gero eta beherago iristen ari dira mezuak, txanda eskatu duten 45 urteko herritar hauek asteburu honetan bertan hasiko dira dosiak jasotzen.

Astelehenean ekin zion Osakidetzak 40 eta 49 urte arteko herritarrei hitzordua emateari, 320.000 herritar inguru daude tarte horretan. 49tik hasi ziren astelehenean, gaur, dagoeneko, 45 urtekoak dira SMSak jasotzen ari direnak.

Osasun Sailak Euskadi Irratiari azaldu dionez, asteburuan jasoko dituzte lehen dosiak herritar horiek.