49ra jaitsi dira covid-19 kasu berriak Nafarroan
Behera egin dute, berriro, covid-19 kasu berriek Nafarroan, atzo 49 kutsatze zenbatu ondoren, bezperan baino 10 gutxiago.
Orotara, 1.446 PCR proba eta test antigeno egin ziren atzo, eta positibitate tasa % 3,4ra jaitsi zen. Nafarroako Gobernuak zabaldutako oharrean jasotzen denez, Tafallan zazpi kasu zenbatu ziren, eta Iruñeko Txantrea eta Azpilagaña auzoetan, hiruna.
Pandemiak aste honetan Foru Erkidegoan izan duen bilakaerari erreparatuta, egunero 70 kasu baino gutxiago jaso dira: astelehenean 44 (% 2,5), asteartean 54 (% 2,6), asteazkenean 49 (% 2,9), ostegunean 61 (% 4), ostiralean 59 (% 4,2) eta atzo 50.
Hala, Foru Erkidegoan 62.776 kasu atzeman dituzte pandemia hasi zenetik, Nafarroako Gobernuak emandako datuen arabera.
Ospitaleetako okupazioari dagokionez, atzo pertsona bakarra ospitaleratu behar izan zuten covid-19agatik eta 32 pertsona zeuden ospitaleratuta arrazoi horregatik, aurreko eguneko kopuru bera, eta 11 lagun zeuden ZIUn, bezperako kopuru bera.
Gainera, ez da hildakorik izan 7. egunez jarraian. Pandemia hasi zenetik, 1.190 pertsona hil ditu covid-19ak Foru Erkidegoan.
Txertaketari dagokionez, 4.356 dosi jarri ziren larunbatean Foru Erkidegoan, eta, dagoeneko, 485.174 txerto jarri dira. 188.327 pertsonak dute txertaketa prozesua osatuta.
Bestalde, Maria Chivite Nafarroako presidenteak ostiralean aurreratu zuenez, ekainaren 18tik aurrera neurriak arintzea espero dute.
Zure interesekoa izan daiteke
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.
Basurtuko Ospitaleko Psikiatria pabiloian 31,9 gradu arteko tenperaturak daudela salatu dute
Basurtuko Ospitaleko Escuza pabilioiak (psikiatria-eremua hartzen duena) ez du klimatizaziorik hotzean, eta 31,9 gradura arteko tenperaturak izan ditu eraikin barruan. Lan Ikuskaritzaren ustez, eraikinaren egituran arazoak daude, eta baldintza termiko egokiak bermatzeko neurriak eskatu dizkio Osakidetzari.
Arabatik Urbasara lekualdatu dute Rapunzel filmaren filmaketa
Disneyren Enredados filmaren zuzeneko bertsioaren filmaketa Gaubean amaitu dute, eta orain Nafarroako mendilerroan ari dira lanean; hainbat bidezidor eta aparkaleku itxita egongo dira abuztuaren amaierara arte.