Pertsona migratzaile edo/eta errefuxiatua: Kategorizazioa, nori interesatzen zaio?
Pertsonen joan-etorriak ugari dira egun, eta horregatik pertsona migratzaile eta errefuxiatu hitzak ohikoak bihurtu dira albisteetan. Nazio Batuen Errefuxiatu Agentziak (UNHCR) biak bereizten ditu, baina gobernuz kanpoko erakundeek ez dute marra hori hain argi ikusten.
UNHCRren arabera, 1951ko Errefuxiatuen Estatutuaren Hitzarmenak zehazten du pertsona errefuxiatuaren definizioa: "gatazka armatu, jazarpen edo babes faltagatik bere jaioterritik ihes egiten duen pertsona".
Migratzaile kontzeptuak, aldiz, "arrazoi ekonomikoengatik edo familia berriro elkartzeko jaioterria uztea erabakitzen duen pertsonari" egiten dio erreferentzia.
Desberdintasun nagusi bezala zera finkatzen du: "errefuxiatuek behartuta ihes egiten dute aberritik, indarkeria handiko egoera batek behartuta, Siriako errefuxiatuak adibidez", eta "migratzaileek borondatez uzten dute jaioterria, nahiz eta muturreko egoeran ere aurkitu daitezkeen".
UNHCRren esanetan, "errefuxiatuek asiloa eskatzeko prozeduretara jo dezakete, eta estatu hartzaileen babesa jaso behar dute"; migratzaileei, ostera, "herrialde bakoitzaren immigrazio legeak aplikatzen zaizkie".
Ongi Etorri Errefuxiatuak eta SOS Arrazakeria Bizkaia bezalako gobernuz kanpoko erakundeek, aldiz, eztabaida mahai gainean dagoela uste dute, erakunde barruan zein gizartean. Horrela, Ana Elena Altuna Ongi Etorri Errefuxiatuak elkarteko kideak eitb.eus-i azpimarratu dionez, "turistak daude, eta gero nahitaez pasadizoan dauden pertsonak".
Bigarren sailkapen horretan pertsona migratzaile eta/edo errefuxiatuak egongo lirateke. Altunaren hitzetan, "Europak eta Mendebaldeak pertsonak sailkatzen dituzte, gero hori oinarri hartuta eskubide batzuk banatzeko".
Bidaia "oso arriskutsuen" ondoren, pertsona horiek guztiak "bizimodu hobe baten bila" Europara edo Mendebaldera heltzen direla gogorarazi du Altunak, "beldurrez eta zer egin jakin gabe".
Pertsona batek asiloa eskatzen duenean, "une horretan errefuxiatu bat da, baina, kasu gehienetan gertatzen den bezala, ukatzen diotenean migratzaile izatera pasatzen da", salatu du. "Estatus aldaketak eskubideak automatikoki aldatzea ekartzen du", erantsi duenez.
Horregatik, "migratzaile, ekonomiko, klimatiko, errefuxiatu, nahitaez pasadizoan dauden pertsonak dira; eskubide guztiak denontzat, edonon", errepikatu du. Era berean, "jaioterrian geratzeko eskubidea", aldarrikatu du; izan ere, "egun pertsona horiek ez dute eskubide hori, aberria uzteko erabaki zaila hartzera beharturik baitaude".
Bestalde, asiloa onartzeko ala ukatzeko unean estatu ezberdinen arteko harreman diplomatikoak eta politikoak jokoan sartzen direla kritikatu du Altunak. Venezuelako eta Kolonbiako eskatzaileen adibidea mahai gainean jarri du. "Aurrenekoak onartzen dituzte, bigarrenak ez, zergatik? Zein da arrazoia?", galdetu du.
Alba Garcia SOS Arrazakeria Bizkaiko kideak eztabaida terminologikoa onartu du, gizartean zein erakundearen barnean. "Nork jartzen du etiketa?", galdetu du. Horregatik, erakundeak zuzenean interpelatu ditu; izan ere, pertsona errefuxiatu edo/eta migratzaileak nortzuk diren eurak erabakitzen dute.
"Mahai gainean dagoen eztabaida da", nabarmendu du. Pertsona migratzailea eta/ala errefuxiatua izatea erabaki burokratiko batek zehazten duela aditzera eman du SOS Arrazakeria Bizkaiak.
Azkenik, erabakiak eta baldintzak denborarekin aldatzen direla kritikatu du Albak. "Nolabait nazioarteko testuinguru politikoaren menpe dago; asiloa eman ala ez emateko erabakia makroekonomiak edo makropolitikak baldintzatuko du", azpimarratu du. Horregatik, erakundeak interpelatu ditu, azken erabakia eurak dutelako.
Albiste gehiago gizartea
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.