Murgiltze ereduaren debekuak ikastolei eragingo diela esan du Konstituzio Kontseiluak
Azken orduetan Frantziako Konstituzio Kontseiluak argitaratu duen "iruzkin" batean jasotzen du euskararen murgiltze eredua debekatuta geratuko dela, eskola publikoan izan ezik, baita ikastoletan ere.
Frantziako Konstituzio Kontseiluak argitaratu duen azken argibidean dio murgiltze eredua debekatuko dela "irakaskuntzaren zerbitzu publikoa" ematen duten eskoletan, zehaztuz ikastolen itunpeko eskola pribatuak kategoria horren baitan sartzen direla. Hala zehaztu dio l'Express astekariari Kontseiluak berak.
Nahasmena eta ezjakintasun handia eragin du albisteak. "Inprobisazioa eta seriotasun falta", salatu du Hur Gorostiaga Seaskako presidenteak Euskadi Irratian. "Helburua Frantziako Estatuak argi du, eta euskarak une honetan Ipar Euskal Herrian mehatxu handia du gainean", uste du.
"Gillotina bat ezarri digute buru gainean, eta nahi duten momentuan gillotina martxan jarriko dute, eta euskaraz biziarazten duen sistema nagusia suntsitu nahiko dute", ohartarazi du Seaskako presidenteak.
"Baina oker dabiltza, gure herriak gure hizkuntza maite du, eta gure herriak ez du inoiz utziko hori egiten, eta beraz, izango ditugun eraso guztiei aurre egin beharko diegu", erantsi duenez.
Gorostiagaren hitzetan, "hauek egun batetik bestera aldatzen dute haien ikuspuntua,ez dakigu, egia erran ez dakigu, ezjakintasuna da nagusi, pentsatzen duguna da egun batetik bestera gauzak ez direla aldatuko".
Joan etorriak izan ditu murgiltze ereduaren debekuak. Maiatzaren 21ean Konstituzio Kontseiluak eskola eredu guztietan debekatu zuen murgiltzea. Joan den asteazkenean, ordea, iruzkin baten bidez adierazi zuen eskola publikoei soilik eragingo ziela debekuak eta azken 'zuzenketa' larunbat honetan etorri da, ikastolei ere badagokiela debekua, esanaz.
Bestalde, Euskal Hirigune Elkargoak batzarra egin du gaur, eta mozio bat onartu du Frantziako Estatuari murgiltze ereduak onar ditzan eskatzeko.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.