Osasun Sailak uste du Delta aldaera nagusi izango dela "hilabete batzuen buruan"
Itziar Larizgoitia Eusko Jaurlaritzako Osasun Publikoaren eta Adikzioen zuzendariak aitortu duenez, covi-19aren aldaera indartsuenak "ezin dira gelditu", eta hala, "litekeena da hilabete batzuen buruan delta aldaera nagusi izatea Euskadin eta Espainiako Estatuan". Horren aurrean, bi gako aipatu ditu Larizgoitiak: batetik, txertatzen jarraitzea, eta bestetik, mugikortasuna mugatzea. Mallorcan izandako agerraldiari buruz, berriz, honakoa esan du: "Halakoak egiten badira, kutsatzeak egon egongo direla".
Larizgoitia Eusko Legebiltzarreko Osasun Batzordean izan da, EH Bilduk eskatuta. Besteak beste, txertaketa kanpainaren irizpideak, planifikazioa, antolaketa eta kudeaketa izan ditu hizpide. Horrez gain, Maria Pilar Uriarte Osakidetzako Giza Baliabideetako zuzendaria eta Rosa Perez Euskal Osasun Zerbitzuko zuzendari nagusia ere izan dira, kasu honetan, Osakidetzako langileen kudeaketaz eta langileriari emandako babesaren inguruan hitz egiteko. Dena den, Perezek ez du hitza hartu.
Larizgoitiaren esanetan, "ahalegin guztiak" egiten ari dira delta aldaeraren agerraldiak identifikatzeko eta "geldiarazteko". Hala ere, guztiz gelditzea ezinezkoa dela onartu du. Osasun Publikoko arduradunaren arabera, txertaketa da gakoetako bat. Deitoratu duenez, gazteek ez dute beste adin tarteetakoek bezainbeste "gogoa" txertaketaren aurrean. Era berean, agerraldi eta kutsatze berriak egongo direla aurreratu du, uda horretarako "aproposa" delako.
Bestalde, Osakidetzako Giza Baliabideen zuzendari Maria Pilar Uriartek onartu du pandemia hasi zenean zailtasunak izan zirela langileei babesteko ekipoak emateko, baina azpimarratu du lehentasuna beren segurtasuna bermatzea izan dela, protokoloak momentu oro adaptatuta.
Zure interesekoa izan daiteke
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzu hori. Osakidetzako zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du adin txikikoen udalekuetan babesa indartzeko Legea izapidetzea
EH Bilduk eta Sumarrek, aintzat hartzea babestu arren, prozedura kritikatu dute, eta PPk eta Voxek erreforma "zuritzea" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".