Indarrean sartu dira V-16 larrialdi-argiak, triangeluak ordezkatzen dituztenak
Ostegun honetan, uztailak 1, indarrean sartu dira errepidean sortutako arriskuaz ohartarazteko erabili beharko diren V-16 argiak. Gailu berriak, laranja koloreko argia islatzen du, eta 1999az geroztik larrialdietan erabili izan diren triangeluak ordezten ditu.
Gaurtik aurrera, beraz, arriskua adierazteko ohiko triangeluaren ordez argi-gailu bat (V-16 seinalea) jar dezakete gidariek, errepidean geldirik gelditu den ibilgailuaren goreneko aldean. Bi gailuak -triangeluak eta V-16 seinalea- 2026ko urtarrilaren 1era arte erabili ahal izango dira, baina, hortik aurrera, arriskuaz ohartarazteko erabili ditugun triangeluak desagertuko dira.
Horrela, ibilgailu bat errepidean geratuta geratzen bada, argi-seinalea ibilgailuaren goreneko aldean jarri beharko da, ahalik eta gehien ikus dadin. Trafikoko Zuzendaritza Nagusiak nabarmendu duenez, tresna hori jartzeko ez da beharrezkoa ibilgailutik ateratzea, ez eta errepidetik ibiltzea ere, gainerako ibilgailuen zirkulazioa saihestuz, lehen triangeluekin gertatzen zen bezala.
Gainera, V-16 larrialdi-argiek geolokalizazio-sistema bat dute, eta, sistema hori aktibatu ondoren, 100 segundotik behin ibilgailuaren kokapen zehatza igortzen du DGT 3.0 izena duen zerbitzura, informazio hori gainerako gidariengana iris dadin.
V-16 seinale berriaren erabilera, bide publikoetako laguntza-zerbitzuak arautzen dituen Errege Dekretuan jasota dago. Horren arabera, "arau orokor gisa", errepidetik kanpo leku seguru bat badago eta zirkulazioaren fluxuaren kontrako aldean, ibilgailutik aterako da. Segurtasunez irteterik ez badago, aldiz, ibilgailuan itxaron beharko da, segurtasun-uhala jarrita.
Trafikoko datuen arabera, 2019 eta 2020 artean 28 pertsona hil ziren bidean harrapatuta, ibilgailutik jaitsi ostean.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.