498 kasu berri atzeman dituzte EAEn, erdiak Gipuzkoan
Covid-19 kasuen igoera geldiezina da oraingoz Euskal Autonomia Erkidegoan: ostiral honetan 498 kasu berri diagnostikatu dituzte, aurreko egunean baino 92 gehiago.
Eusko Jaurlaritzako Osasun Sailak 8.417 proba diagnostiko egin zituen atzo, ostegunean baino gehiago (6.628) eta proben % 5,9k emaitza positiboa izan zuten.
Lurraldeka, Gipuzkoan izan da igoerarik handiena: 248 positibo berri izan ziren atzo (ostegunean baino 78 gehiago), Bizkaian 193 (aurreko egunean baino 15 gehiago) eta Araban 51 kasu (aurreko egunean baino 6 gehiago). Gainera, Euskal Autonomia Erkidegotik kanpo bizi diren 6 pertsonek ere positibo eman zuten atzo.
Agerraldiak
Mallorcara egindako ikasturte amaierako bidaien inguruko agerraldiak 267 positibo utzi ditu orain arte EAEn (ostiraleko datua), eta 178 kasu izan dira Hernanin, 7 egunetan, ustez San Juan jaiei lotuta. Soraluzen beste 24-27 positibo izan dira ikasleek Saloura egindako bidaia bati lotuta, eta beste 10 kasu Donostian, Bordelera joandako ikasleen artean. Agerraldi guztiek irekita jarraitzen dute, eta diagnostiko probak egiten ari zaizkie une honetan kontaktu estuei.
Ospitaleetako egoerak egonkor jarraitzen du
Pandemia hartzen ari den joera arriskutsuak ez du oraingoz, behintzat, islarik izan ospitaleetan. Atzo covid-19a zuten 7 pertsona ospitaleratu zituzten (aurreko egunean baino 19 gutxiago) eta une honetan 33 pertsona daude Zainketa Intentsiboetako Unitateetan (ZIU), osteguneko kopuru bera.
Udalerriei buruzko informazioa, RO indizea eta metatutako intzidentziari buruzko informazioa ez du Eusko Jaurlaritzak astelehenera arte eguneratuko.
150 covid kasu berriko langa gainditu du Nafarroak, apirileko datuetara itzuliz
Nafarroako Foru Erkidegoan ere gorakada handia izan dute covid-19 kasuek azken 48 orduetan. Ostegunean, 113 kasu berri atzeman zituzten, aspaldi ikusi gabeko kopurua, eta atzo, ostirala, 152 kutsatze berri atzeman zituzten, Foru Gobernuak emandako datuen arabera. Atzo 1.444 PCR eta antigeno test egin ziren eta % 10,5ak positibo eman zuen.
Apirilaren amaieratik ez zen egunean 150 kasu baino gehiago atzematen Nafarroan.
Saloura joandako 16 taldetako 26 gaztek positibo eman dute azken egunotan, eta ostiraletik baheketa berezia egiten ari zaizkie handik itzuli diren 17 eta 25 urte bitarteko gazteei.
Zure interesekoa izan daiteke
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrentzat mendekotasuna sortzen duten eta kalte egiten duten produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaerari eutsi dio adingabeei sexu-proposamenak egiteagatik epaitutako Irungo irakaslearentzat
Defentsak, bere aldetik, absoluzioa eskatu du, irakasleak ustezko biktimekin "adiskidetasun" harreman soila zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.