Espetxean sartu dute Bilbon arreba indarrez eramaten saiatu zen 49 urteko gizona
Ostegun goizean Bilbon atxilotu zuten 49 urteko gizona Basauriko espetxean sartu dute, Eusko Jaurlaritzako Segurtasun Sailak jakitera eman duenez. Gizonak eskuak eta oinak lotu zizkion biktimari, eta haren autoan indarrez eramaten saiatu zen.
Gertakariak asteazkenean jazo ziren, Bilboko Indautxu auzoko garaje komunitario batean. Biktimak eraikineko sotoko solairu batean aparkatu zuen autoa, eta, 10:20 aldera, haren anaia hurbildu zitzaion, zain zegoen eta. Mehatxupean, oinak eta eskuak lotu zizkion, zinta batekin.
Jarraian, emakumea ibilgailuan sartu zuen. Erasotzaileak autoa gidatu zuen, eta, Perez Galdos kalera heldu zirenean, emakumeak loturak askatu ahal izan zituen. Une horretan, autotik salto egin zuen, oraindik martxan zegoela. Biktima tokian artatu zuten.
Gidariak, atzera egin zuen autoaren atzeko atea irekita zuela, eta bolardo baten aurka talka egin zuen. Gainera, inguruan aparkatutako auto batzuetan ere kalteak eragin zituen.
Erasotzaileak giltzak, telefono mugikorra eta dirua lapurtu zituen auto barrutik, eta biktimaren ibilgailuarekin ihes egin zuen Areilza Doktorearen kaleraino. Ertzaintzak zakarrontzi publiko batean aurkitu zuen dena, dirua izan ezik. Ertzaintza eta Bilboko Udaltzaingoa ustezko erasotzailearen bila aritu ziren.
Ostegun goizean atxilotu zuten gizona, ostatu hartu zuen lekuan. Atxilotua Bilboko ertzain-etxera eraman zuten, beharrezko polizia-eginbideekin jarraitzeko, epailearen esku utzi aurretik. Epaileak, Basauriko espetxean sartzeko agindua eman du.
Atxilotua, biktimaren anaia da, eta aurrekari polizialak ditu. Segurtasun Sailak azaldu duenez, urruntze agindua urratu du; izan ere, biktimarengana hurbiltzeko eta harekin harremanetan jartzeko debekua zuen.
Zure interesekoa izan daiteke
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.
Imsersok iazko formula bera erabiliko du 2026-2027 denboraldian: bidaiak 50 eurotan eta maskotarekin bidaiatzeko aukera
Ia 900.000 plaza eskainiko dira orotara, eta horietatik 7.400 baliabide gutxien dituzten pentsiodunentzat erreserbatu dira, 50 euroko prezioan. Bidaiak irailaren 14tik 15era bitartean merkaturatuko dira.
Iruñeko Udaltzaingoaren ustez, gidariak giza akats bat egin zuen Nabarreriako kamioiaren istripuan
Gidaria ibilgailutik jaitsi zen kamioia itopuntuan zuela eta esku-balazta aktibatu gabe, Iruñeko Udaltzaingoak epaitegira bidalitako atestatuaren arabera. Hasiera batean balaztari eragin ziola ziurtatu zuen, baina gero adierazi zuen ez zuela argi gogoratzen.
Hil egin da Espinosa de los Monterosen (Burgos) traktore batek harrapatutako mutiko bizkaitarra
Ezbeharra pasa den larunbatean gertatu zen, eta, harrezkero, Gurutzetako ospitalean egon da larri.