491 positibo berri zenbatu dituzte Nafarroan, zortzi eguneko igoerari amaiera emanez
Nafarroako Foru Gobernuak jakitera eman duenez, zortzi egunez covid-19 kasu berriak igo eta igo aritu ostean, 491 positibo atzeman zituen ostiral honetan Osasun Departamentuak, bezperan baino 131 gutxiago. Iruñea (Mendillorri, Arrotxapea eta Alde Zaharra auzoetan bakarrik 22, 18 eta 17na positibo daude), Zizur Nagusia (18) eta Barañain (18) dira kasu berri gehien agertu diren herriak.
Atzo 3.440 proba diagnostiko egin zituzten, eta % 14,3k eman zuten positibo.
Asteari dagokionez, 484 kasu berri diagnostikatu zituzten astelehenean, 532 asteartean, 608 asteazkenean, 622 ostegunean eta 491 ostiral honetan.
Foru Erkidegoak 2020ko urrian izandako olatu handiaren antzeko zenbakiak erregistratu ditu azken egunotan, baina oraingo honetan ospitaleak ez dira orduko egoera larrira iritsi.
Hori bai, kasuen gorakada hasi da osasun zentroetan islatzen: ostiralean 14 pertsona ospitaleratu behar izan zituzten, bat ZIUN. 50 pertsona zeuden plantan eta 12 Zainketa Intentsiboetako Unitatean. Duela astebete 29 lagun ziren planta eta 11 ZIUn.
Asteazkenetik aurrera etxeratzeko agindua ezarriko dute muturreko arriskuan dauden udalerrietan
Maria Chivite Nafarroako presidenteak datorren astetik aurrera Foru Erkidegoan indarrean sartuko diren neurriak aurreratu ditu, covid-19 pandemiaren bilakaera ikusita: muturreko arriskuan dauden udalerrietan etxeratzeko agindua 01:00etatik 06:00etara; bilerak 10 pertsonara mugatuko dituzte kanpoaldean, eta herri bazkariak, kalejirak eta kaleko zezen-festak bertan behera geratuko dira.
Muturreko arriskuan dauden udalerrien zerrenda asteartean argitaratuko dutela erantsi dute, etxeratzeko agindua non aplikatuko den zehazteko.
Koronabirus kasuak atzemateko orduan "Nafarroa buruan" dela azpimarratu du Chivitek: "Kasuak bilatzen baldin badituzu, azkenean aurkituko dituzu". "Autobusetan baheketa egin duen erkidegorik ez dut ikusi", gogorarazi du.
"Ospitaleratzeen gorakada txiki bat izaten ari gara", onartu du.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.