Kutsatzeek puztuta jarraitzen dute EAEn, eta hazi egin da ospitaleetako okupazio maila
Hanpatuta jarraitzen dute covd-19 kasuek Euskal Autonomia Erkidegoan (EAE), atzokoan hautsitako markaren ildotik. Jaurlaritzako Osasun Sailak kaleratutako buletin epidemiologikoaren arabera, 1.769 positibo berri zenbatu dira, asteazkenean baino 32 gutxiago. Halaber, ospitaleetako presioa handiagoa da, 47 pertsona erietxeratu baitituzte eta 50 gaixo daude larri ZIUetan.
Bizkaian zenbatu dituzte positibo gehien (966), baina behera egin dute (-122) bezperakoarekin alderatuta. Gipuzkoan (564) eta Araban (197), berriz, gora egin dute azken orduetan (82 eta zazpi gehiago, hurrenez hurren). Halaber, igo egin dira EAEtik kanpo bizi diren pertsonen artean atzemandako positiboak, eta 42 izan dira.
Datu kaskarrek azken 14 egunetako intzidentzia metatuan izan dute eragina, eta EAEko pilatutako tasa 731 kasura igoarazi dute (49 puntuko igoera). Gipuzkoak du daturik txarrena, 778ko tasarekin, baina goranzko joera apaldu dela ikus daiteke. Kontrako bilakaera du Bizkaiak (705 kasu), egun bakarrean 57 puntu hazi baita intzidentzia. Arabako tasa 565 kasukoa da 100.000 biztanleko.
Atzo egindako 12.586 proba diagnostikoetatik % 14,1 izan ziren positibo, eta hala, positibotasun tasa lau hamarren igo da.
Kasuek ospitaleetako okupazioa handitzen jarraitzen duten arren, bi kurbek ez dute aurreko olatuetan izandako bilakaera bera, behean dagoen grafikoan ikus daitekeenez. Hala, azaroko egoera makurra gainditzen dituzten kopuruak izan arren, ZIUetako egoera ez da orduan bezain txarra eta urriko okupazioaren mailan kokatzen da (halako haran bat egon zen orduko hartan).
Bada itxaropenerako daturik: R0a, positibo batek kutsatzen dituen pertsona kopurua adierazten duen indizea, apur bat jaitsi da (1,30etik 1,27ra). Horrez gain, tasen arrazoiak ere behera egin du. Azken 14 egunetako intzidentzia zazpi eguneko intzidentziarekin alderatzen du adierazle horrek.
Bestalde, atzemandako 1.769 kasuetatik 1.012 10 eta 29 urte artean zituzten eta metatutako intzidentzia altuena 17-18 urteko gazteei dagokie: 100.000 biztanleko 4.616 kasutan dago.
Azkenik, gorria da nagusi koronabirusaren semaforoaren mapan, eta lau udalerri handi baino ez daude gune kritikotik kanpo. Kezkagarria da oso Markina-Xemeingo egoera (Bizkaia): azken orduetan 47 kasu atzeman ditu eta intzidentzia metatua 2.686 puntutan du, EAEko altuena. Ondoren datoz Mutriku (1.392 kasu 100.000 biztanleko) eta Zumaia (1.383rekin), biak ala biak Gipuzkoan.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.